চিটাৰা ডেস্ক, 6 এপ্ৰিল:অতি শীঘ্ৰেই অনুষ্ঠিত হ’ব ৬৮ সংখ্যক ফিল্মফেয়াৰ এৱাৰ্ড । এইবাৰ বলীউডৰ ছুপাৰষ্টাৰ ছলমান খান আঁত ধৰোঁতা হিচাপে থাকিব ফিল্মফেয়াৰ এৱাৰ্ডছ শ্ব’ত । ইয়াৰ পূৰ্বে এই সন্দৰ্ভত এক সংবাদমেল অনুষ্ঠিত হৈছিল । এই সংবাদমেলত ছলমান খানে ফিল্মফেয়াৰ বঁটা সন্দৰ্ভত নিজৰ অভিজ্ঞতা শ্বেয়াৰ কৰে । ইয়াৰ লগতে ছলমান খানে কয় যে, এই বঁটাৰ সৈতে জড়িত তেওঁৰ লগত বৃহৎ প্ৰৱঞ্চনা হৈছে (Salman khan exposes FilmFare Award) । সম্প্ৰতি সংবাদমেলৰ ক্লিপ ছ’চিয়েল মিডিয়াত ক্ৰমান্বয়ে ভাইৰেল হৈ পৰে (Salman khan Press Conference) ৷
আচলতে কি হৈছিল ছলমান খানৰ লগত ?
সংবাদমেলত ভাষণ দি ছলমান খানে কয়, ‘‘মোক কোৱা হৈছিল যে, আপুনি এৱাৰ্ড শ্ব’ত পাৰ্ফৰ্ম কৰিব আৰু ইয়াৰ পিচত আপোনাক বঁটা দিয়া হ’ব ।" ছলমান খানে লগতে প্ৰকাশ কৰে, ‘‘মোক জনোৱা হৈছিল যে মোক বঁটা দিয়া হ’ব আৰু মই মোৰ সমগ্ৰ পৰিয়ালৰ সৈতে এৱাৰ্ড শ্ব’ত উপস্থিত হৈছিলোঁ, যেতিয়া বঁটা ঘোষণা কৰা হৈছিল, তেতিয়া মোৰ লগতে মনোনীত হৈছিল আৰু বহুকেইগৰাকী অভিনেতা ৷ য’ত জেকী শ্ৰফৰ নামটোও অন্তৰ্ভুক্ত কৰা হৈছিল আৰু তেওঁক দিয়া হৈছিল বঁটা ।’