চিটাৰা ডেস্ক, ২১ ছেপ্টেম্বৰ: মহাৰাষ্ট্ৰত গণেশ উৎসৱ অতি ধুমধামেৰে পালন কৰা হয় । বলীউডৰ তাৰকাসকলেও উচ্চস্বৰত ঢোল বজাই বাপ্পাক ঘৰত আদৰণি জনায় । অৱশ্যে বিভিন্ন জনে ভিন্ন দিনত ভগৱান গণেশক বিদায় দিয়ে । বলীউডৰ দবাং ছলমান খানৰ ভগ্নী অৰ্পিতা খানেও প্ৰত্যেক বছৰে গণেশ উৎসৱ অতি ধুমধামেৰে পালন কৰে ৷ ব্যতিক্ৰম নহয় এইবাৰ ৷ এইবাৰো অতি ধুমধামেৰে বাপ্পাক ঘৰলৈ আদৰণি জনাইছিল অৰ্পিতা খানে ৷ অৰ্পিতা খানৰ ঘৰত ডেৰ দিনীয়া গণপতি উদযাপন চলে ।
ইফালে মঙলবাৰে ছলমান খানে এটা ভিডিঅ’ শ্বেয়াৰ কৰি অনুৰাগীক গণেশ চতুৰ্থীৰ বাবে অভিনন্দন জনায় । এতিয়া বুধবাৰে নিশা ডেৰ দিনৰ মূৰত ‘টাইগাৰ ৩’ৰ অভিনেতাজনে বাপ্পাক বিদায় দিবলৈ ভগ্নী অৰ্পিতাৰ ঘৰত উপস্থিত হয়।
ডেৰ দিনৰ মূৰত অৰ্পিতা-ছলমানে গণপতি বাপ্পাক বিদায় দিলে
অৰ্পিতা খান আৰু ছলমান খানে অতি আড়ম্বৰেৰে গণপতি উদযাপন কৰে । যোৱা কেইবছৰমানৰ পৰা গণপতি বিসৰ্জনৰ সময়ত ঢোলৰ তালত নৃত্য কৰা দেখা যায় দবাং খানে । বুধবাৰে গণপতি বিসৰ্জনত অংশগ্ৰহণ কৰিবলৈ অহা ছলমান খানৰ ছবি আৰু ভিডিঅ’ সম্প্ৰতি ভাইৰেল হৈ পৰিছে ছ’চিয়েল মিডিয়াত ।
অৰ্পিতা খানৰ ঘৰত গণপতি বিসৰ্জনৰ আয়োজন এই বিশেষ অনুষ্ঠানত ছলমান খানক দেখা গৈছে নীলা চাৰ্ট আৰু ক’লা পেণ্টত। অৰ্পিতাৰ ঘৰত প্ৰৱেশ কৰাৰ পূৰ্বে তেওঁ মিডিয়াৰ কেমেৰাৰ সন্মুখত পোজ দিছিল । অভিনেতা ছলমান খানৰ উপৰিও বহু তাৰকাও অৰ্পিতা খানৰ ঘৰত উপস্থিত হৈ গণপতি বিসৰ্জনৰ উদযাপনত অংশগ্ৰহণ লয় ৷
দিব্য খোছলাৰ পৰা অনুষা দাণ্ডেকাৰলৈকে তাৰকাৰ মেলা লাগিছে অৰ্পিতাৰ ঘৰত
ছলমান খানৰ ভগ্নী অৰ্পিতা খানৰ ফটো পোহৰলৈ আহিছে তেওঁৰ পুত্ৰ আহিলৰ সৈতে, য’ত আহিলে হাতত গণেশ বাবাৰ সৰু মূৰ্তিটো লৈ আছে, আনহাতে আয়ুষ শৰ্মা আৰু জাহীৰ খানে বিসৰ্জনৰ বাবে গণপতি বাপ্পাৰ ডাঙৰ মূৰ্তিটো কঢ়িয়াই লৈ ফুৰিছে। এই অনুষ্ঠানত মহাৰাষ্ট্ৰৰ মুখ্যমন্ত্ৰীগৰাকীয়েও ছলমান খানৰ লগতে গণপতি বাপ্পাৰ আশীৰ্বাদ লোৱা দেখা গ’ল । এই ভিডিঅ’টো ছলমান খানৰ ফেন ক্লাৱে শ্বেয়াৰ কৰিছে ।
গণপতি বিসৰ্জন উপলক্ষে অৰ্পিতা খানৰ ঘৰত তাৰকাৰ লানি নিছিগা সুত বয় ৷ অনুষা দাণ্ডেকাৰৰ পৰা দিব্য খোছলা কুমাৰলৈকে, পুলকিত সম্ৰাট, কৃতি খাৰবান্দা বিসৰ্জনৰ বাবে গেলাক্সি এপাৰ্টমেণ্টত উপস্থিত হয় । ছলমান খানৰ বাহিৰেও হেলেন আৰু অৰ্পিতা খানৰ ভাতৃ সোহেইল খানকে ধৰি সমগ্ৰ পৰিয়ালে বাপ্পাক বিদায় দিয়া অনুষ্ঠানত উপস্থিত থাকে ৷
লগতে পঢ়ক:Salman Khan Video: গণপতি দৰ্শনৰ বাবে ভগ্নী অৰ্পিতাৰ ঘৰত উপস্থিত ছলমান খান, চাওক ভিডিঅ’
