চিটাৰা ডেস্ক, ১৮ ডিচেম্বৰ:দক্ষিণৰ বহু প্ৰত্যাশিত ছবি ‘ছালাৰ’ৰ দ্বিতীয়টো ট্ৰেইলাৰ মুকলি । প্ৰভাস অভিনীত এই হাই ভল্টেজ একশ্যন থ্ৰিলাৰ ছবিখনৰ বাবে অনুৰাগীয়ে দীৰ্ঘদিন ধৰি অপেক্ষা কৰি আছিল । অনুৰাগীৰ উত্তেজনা দুগুণ কৰিবলৈ এতিয়া নিৰ্মাতাই একশ্যনভৰ্তি ছবিখনৰ দ্বিতীয়টো ট্ৰেইলাৰ মুকলি কৰিছে ।
'ছালাৰ'ৰ দ্বিতীয়টো ট্ৰেইলাৰ মুকলি
মাত্ৰ কেইদিনমানৰ আগতে ছবিখনৰ প্ৰথমটো ট্ৰেইলাৰ মুক্তি পাইছিল, যিয়ে দৰ্শকৰ পৰা ব্যাপক সঁহাৰি লাভ কৰিছিল । ছবিখনৰ দ্বিতীয়টো ট্ৰেইলাৰৰ কথা ক’বলৈ গ’লে ২.৫৪ মিনিটৰ এই ট্ৰেইলাৰটো চোৱাৰ পিচত আপোনাৰো গাৰ নোম শিয়ৰি উঠিব ৷ একশ্যনৰে ভৰ্তি ছালাৰৰ দ্বিতীয়টো ট্ৰেইলাৰে আপোনাকো ছবিখন চাবলৈ নিশ্চিতভাৱে বাধ্য কৰাব ।
ছবিখনৰ কাহিনী পাৰস্য সাম্ৰাজ্যৰ চুলতানৰ জীৱনৰ আধাৰত নিৰ্মিত । চুলতানৰ জীৱনত বহু সমস্যা হৈছিল যদিও তেওঁৰ বৃহৎ সৈন্যবাহিনীক অৱগত নকৰাকৈয়ে তেওঁ মাত্ৰ এজন মানুহকহে কৈছিল আৰু সেয়া হৈছে চুলতানৰ বন্ধু ৷ চুলতানে যিয়ে কৈছিল তাকেই তেওঁ আনি দিছিল, লাগিলে নিজৰ জীৱনৰ প্ৰতি ভাবুকি আহক তথাপিও চুলতাৰ সহায় কৰিছিল বন্ধুজনে ৷ কিন্তু কাহিনীটোত এটা টুইষ্ট আহে, যেতিয়া চুলতানৰ যত্ন লোৱা এই বন্ধুজন তেওঁৰ শত্ৰু হৈ পৰে । তাৰ পাচত কি হ’ব সেয়া জানিবলৈ আপুনি চাব লাগিব ছবিখন ৷
উল্লেখ্য যে, পৃথ্বীৰাজ সুকুমাৰনে ছবিখনত চুলতানৰ চৰিত্ৰত অভিনয় কৰিছে, যিজন হৈছে খলনায়ক । প্ৰভাস তেওঁৰ বন্ধুৰ চৰিত্ৰত অভিনয় কৰিছে, যি পিচলৈ তেওঁৰ শত্ৰু হৈ পৰে । ছবিখনত প্ৰভাসৰ বিপৰীতে দেখা যাব শ্ৰুতি হাছানক । ‘ছালাৰ’ মুক্তিৰ ক্ষেত্ৰত হোৱা সালসলনিৰ বাবেই এই ছবিখনে দীৰ্ঘদিন ধৰি বাতৰিৰ শিৰোনাম দখল কৰি আহিছে ।
লগতে পঢ়ক:প্ৰথমবাৰৰ বাবে মুখ্য অভিনেত্ৰীৰ চৰিত্ৰত দেখা যাব নোৰা ফাতেহীক, সম্পূৰ্ণ হ’ল ছবিখনৰ শ্বুটিং
