চিটাৰা ডেস্ক, ১ ডিচেম্বৰ: প্ৰভাস আৰু পৃথ্বীৰাজ সুকুমাৰণৰ ‘ছালাৰ’ আছিল ২০২৩ বৰ্ষৰ অন্যতম প্ৰত্যাশিত ছবি । ছবিখন মুক্তি পোৱাৰ লগে লগে ছবিগৃহত ঢৌ তুলিছে । ‘ছালাৰ’এ দৰ্শকৰ পৰা লাভ কৰিছে যথেষ্ট সঁহাৰি । শ্বাহৰুখ খানৰ ছবি ‘ডাংকি’ক চেৰ পেলাই উপাৰ্জনৰ শীৰ্ষত উপনীত হৈছে ছালাৰ ৷ বক্স অফিচত ধুমুহাৰ গতিত উপাৰ্জন কৰাৰ লগতে ছবিখনে বহু অভিলেখো গঢ়িবলৈ সক্ষম হৈছে । এতিয়া এই প্ৰতিবেদনত জানো আহক মুক্তিৰ দশম দিনটোত কিমান কোটি টকা উপাৰ্জন কৰিছে ছবিখনে ৷
মুক্তিৰ দশম দিনত ‘ছালাৰ’এ কিমান কোটি টকা আয় কৰিছে ?
প্ৰভাসৰ ‘ছালাৰ: পাৰ্ট ১ ছিজফায়াৰ’ ২২ ডিচেম্বৰত পাঁচটা ভাষাত ছবিগৃহত মুক্তি পাইছিল । এই ছবিখনৰ ডাঙৰ পৰ্দাত কিং খান অভিনীত ‘ডাংকি’ৰ সৈতে সংঘৰ্ষ হৈছিল । কিন্তু প্ৰভাসৰ এই ছবিখনে বক্স অফিচত শ্বাহৰুখ খানৰ ডাংকিক পৰাস্ত কৰি বিপুল ধন অৰ্জন কৰে । ভাৰতত ৯০.৭ কোটি টকাৰে মুকলি হোৱা এই ছবিখনে মুক্তিৰ প্ৰথম সপ্তাহতে ভাৰতত ৩০৮ কোটি টকা উপাৰ্জন কৰে ।