দিলীপ কুমাৰৰ বাবে বঁটা গ্ৰহণ কৰি উচুপি উঠিল চাইৰা বানু

হিন্দী চিনেমা জগতৰ কিংবদন্তী অভিনেতা দিলীপ কুমাৰ যদিও আজি আমাৰ মাজত নাই, কিন্তু তেওঁৰ অভিনয়শৈলী অনুৰাগীসকলৰ হৃদয়ত সদায় জীয়াই আছে আৰু থাকিব । এটা ভিডিঅ' পোহৰলৈ আহিছে, য'ত চাইৰা বানুৱে স্বামী দিলীপ চাহাবৰ বাবে বঁটা গ্ৰহণ কৰি আৱেগিক হৈ হুকহুকাই কান্দি উঠিল ৷

চিটাৰা ডেস্ক, 15 জুন :দিলীপ কুমাৰ নামেই যাৰ পৰিচয়,হিন্দী চিনেমাৰ এনে এজন প্ৰবীণ অভিনেতা যি শাৰিৰীকভাৱে আমাৰ মাজত নাই যদিও চিৰপ্ৰবাহমান আমাৰ মনৰ মাজত । ২০২১ চনৰ জুলাই মাহত দীৰ্ঘদিনীয়া ৰোগৰ সৈতে যুঁজি ৯৫ বছৰ বয়সত ইহলীলা সম্বৰণ কৰে তেওঁ (Dilip kumar death) । দিলীপ চাহাবৰ প্ৰস্থান হিন্দী ছবি জগতৰ বাবে এক অপূৰণীয় ক্ষতি ৷ তেওঁৰ মৃত্যুৰ দুখ তেওঁৰ অনুৰাগীসকলৰ চকুত স্পষ্টভাৱে দেখা গৈছিল ।

চাইৰা বানুৱে শেষ মুহূৰ্তত দিলীপ চাহাবৰ যথেষ্ট যত্ন লৈছিল । দিলীপ চাহাবৰ মৃত্যুৰ পিছত একেবাৰে অকলশৰীয়া হৈ পৰিছিল চাইৰা বানু । এতিয়া সামাজিক মাধ্যমত এটা ভিডিঅ’ ভাইৰেল হৈছে য’ত দিলীপ কুমাৰক স্মৰণ কৰি উচুপি উঠিছে চাইৰা বানু ৷ দৰাচলতে, চাইৰাই 'ট্ৰেজেডী কিং' দিলীপ চাহাবৰ বাবে বঁটা সংগ্ৰহ কৰিবলৈ গৈ আৱেগিক হৈ পৰে ।

চাইৰা বানুৱে স্বৰ্গীয় স্বামী দিলীপ চাহাবৰ নামত ভাৰত ৰত্ন ড০ আম্বেদকাৰ বঁটা গ্ৰহণ কৰিবলৈ গৈছিল । এই বঁটা কেন্দ্ৰীয় মন্ত্ৰী ৰামদাস আঠৱালে তেওঁক প্ৰদান কৰে (Dilip Kumar awards won) । অনুষ্ঠানৰ মাজ মজিয়াতে স্বামী দিলীপ কুমাৰ স্মৰণ কৰি আৱেগিক হৈ পৰা চাইৰা বানুৱে ধৰি ৰাখিব নোৱাৰিলে চকুপানী ৷ চাওক ভিডিঅ’টো-

চাইৰা বানুক এই পৰিস্থিতিত দেখি অনুৰাগীসকলো আৱেগিক হৈ পৰে ৷ সকলোৱে তেওঁক সান্ত্বনা দিবলৈ যত্ন কৰে । ভিডিঅ'টোত চাইৰা বানুক কান্দি থকা দেখি এজন অনুৰাগীয়ে লিখে, 'আজিৰ সময়ত এনে প্ৰেম বিচাৰি পোৱাটো কঠিন'। আন এজন অনুৰাগীয়ে লিখিছে, 'দিলীপ চাহাবে নিশ্চয় চাই আছে' ৷