সিংহৰ দৰে গৰ্জন কৰিবলৈ আহি আছে বাজিৰাও সিংঘম, সিংঘম এগেইনৰ পৰা মুকলি অজয় দেৱগনৰ ফাৰ্ষ্ট লুক

Ajay Devgn First Look from Singham Again: ৰোহিত শ্বেট্টীৰ কপ ইউনিভাৰ্ছ সিংঘম এগেইনৰ পৰা অজয় ​​দেৱগনৰ ফাৰ্ষ্ট লুক মুকলি ।

চিটাৰা ডেস্ক, 21 নৱেম্বৰ: অজয় ​​দেৱগনৰ ছবি ‘সিংঘম এগেইন’ৰ বাবে অনুৰাগীয়ে আগ্ৰহেৰে অপেক্ষা কৰি আছে । শেহতীয়াকৈ ছবিখনৰ পৰা বহু চেলিব্ৰিটিৰ লুক প্ৰকাশ পাইছিল, এতিয়া ছবিখনৰ পৰা প্ৰকাশ পাইছে অজয় ​​দেৱগনৰ লুক । বহু দিনৰে পৰা অনুৰাগীয়ে অপেক্ষা কৰি আছিল অজয় ​​দেৱগনৰ লুকৰ বাবে । এতিয়া অন্ত পৰিল অনুৰাগীৰ অপেক্ষাৰ, ৰোহিত শ্বেট্টীয়ে শ্বেয়াৰ কৰিছে অজয় ​​দেৱগনৰ ফাৰ্ষ্ট লুক ।

অজয় দেৱগনৰ লুক শ্বেয়াৰ কৰি ৰোহিত শ্বেট্টীয়ে লিখিছে - সিংহই সন্ত্ৰাসৰ সৃষ্টি কৰে আৰু আহত সিংহই ধ্বংসযজ্ঞৰ সৃষ্টি কৰে । সকলোৰে প্ৰিয় আৰক্ষী । বাজিৰাও সিংঘম পুনৰ আহিছে। সিংঘম এগেইন ।

অনুৰাগীৰ প্ৰতিক্ৰিয়া

সিংঘম এগেইনৰ পৰা অজয় ​​দেৱগনৰ ফাৰ্ষ্ট লুক দেখি উৎসাহিত হৈ পৰিছে অনুৰাগী । ৰোহিত শ্বেট্টীৰ পোষ্টত অনুৰাগীয়ে প্ৰকাশ কৰিছে প্ৰতিক্ৰিয়া । এজন ব্যৱহাৰকাৰীয়ে লিখিছে- ছুপাৰ ছাৰ । লগতে শ্বেয়াৰ কৰিলে ফায়াৰ ইমোজি । আনহাতে আন এজনে লিখিছে – আৰু ৰৈ থাকিব নোৱাৰি ৷

উল্লেখ্য যে, সিংঘম এগেইন ছবিখন পৰিচালনা কৰিছে ৰোহিত শ্বেট্টীয়ে । এইখন সিংঘম ফ্ৰেঞ্চাইজিৰ তৃতীয়খন ছবি । বাজীৰাও সিংঘমৰ চৰিত্ৰত দেখা যাব অজয় ​​দেৱগনক । অজয়ৰ এই চৰিত্ৰটো অনুৰাগীয়ে অতিশয় ভাল পাইছে ।

ছবিখনত অজয় ​​দেৱগনৰ উপৰিও কৰীণা কাপুৰক মহিলা নায়িকা হিচাপে দেখা যাব । শেহতীয়াকৈ অজয়ে কৰীণাৰ লুক শ্বেয়াৰ কৰিছিল । ফটোখন শ্বেয়াৰ কৰি অজয়ে লিখিছিল – উগ্ৰ, শক্তিশালী আৰু সিংঘমৰ শক্তি । অৱনী সিংঘম । ফটোখনত কৰীণাই হাতত বন্দুক লৈ থকা দেখা গৈছে আৰু মুখত আঘাতৰ চিন আছিল । কৰীণাৰ উপৰিও দীপিকা পাডুকন আৰু টাইগাৰ শ্ৰফকো ছবিখনত দেখা যাব ।

সিংঘম এগেইনৰ মুক্তিৰ তাৰিখৰ কথা ক’বলৈ গ’লে এই ছবিখন ২০২৪ চনৰ ১৫ আগষ্টত ছবিগৃহত মুক্তি পাব । ছবিখনৰ সংঘৰ্ষ হ’ব আল্লু অৰ্জুনৰ পুষ্পা ২ ৰ সৈতে । কিয়নো দুয়োখন ছবি একে সময়তে মুক্তি পাব ।

লগতে পঢ়ক:টাইগাৰ ৩ ৰ সফলতাত ছলমান খানক ছানী দেওলে ক’লে এই কথা