চিটাৰা ডেস্ক, 20 জুন: আলিয়া ভাট আৰু ৰণবীৰ সিঙৰ বহু প্ৰত্যাশিত ছবি ‘ৰকি অৰ ৰাণী কি প্ৰেম কাহানী’ৰ টিজাৰ মুকলি । এই কেইছেকেণ্ডৰ টিজাৰ চোৱাৰ পিচত ছবিখনক লৈ অনুৰাগীৰ উত্তেজনা আৰু অধিক বৃদ্ধি পাইছে । আলিয়া আৰু ৰণবীৰৰ কেমিষ্ট্ৰী দেখা পোৱা গৈছে টিজাৰত । একে সময়তে টিজাৰৰ পৰা অনুমান কৰিব পাৰি যে ছবিখনৰ কাহিনীও শক্তিশালী হ’ব । ছবিখনৰ টিজাৰ ৰণবীৰ, আলিয়া আৰু কৰণ জোহৰে নিজৰ অফিচিয়েল ইনষ্টাগ্ৰামত মুকলি কৰিছে, যিটো অতি কম সময়ৰ ভিতৰত ভাইৰেল হৈ পৰিব ৷
টিজাৰ মুকলি
মাত্ৰ কেইছেকেণ্ডমানৰ টিজাৰত দেখুওৱা হৈছে এই ছবিখনত ৰকি আৰু ৰাণীৰ প্ৰেম কাহিনী । এই প্ৰেম কাহিনী এতিয়া কেনেকুৱা হ’ব, সেয়া ছবিখন চোৱাৰ পিচতহে গম পোৱা যাব, যাৰ বাবে আপুনি ২৮ জুলাইলৈ অপেক্ষা কৰিব লাগিব । টিজাৰত ৰণবীৰ আৰু আলিয়াৰ ৰোমাঞ্চৰ মাজত মনোমালিন্য় হোৱা দেখা যায় ৷ ইয়াৰ পিচত আলিয়াক দেখা যায় কইনাৰ সাজত । আনহাতে ছবিখনৰ বিলাসী চেট আৰু উৎকৃষ্ট সাজ-পোছাক আৰু টিজাৰ দেখি অনুমান কৰিব পাৰি যে ছবিখনৰ কাহিনী অতি শক্তিশালী হ’ব ।