চিটাৰা ডেস্ক, 22 আগষ্ট: আকৌ এবাৰ পপ গায়িকা ৰিহানাৰ বাসগৃহলৈ আহিছে সুখবৰ ৷ দ্বিতীয় বাৰ মাতৃ হৈছে ৰিহানা ৷ ৰিহানাই এটি পুত্ৰ সন্তান জন্ম দিছে । এক প্ৰতিবেদন অনুসৰি ৩৫ বছৰীয়া কণ্ঠশিল্পী ৰিহানাই ৩ আগষ্টত এটি পুত্ৰ সন্তান জন্ম দিছিল, যিটো এতিয়া পোহৰলৈ আহিছে ।
বিয়া নোহোৱাকৈয়ে দ্বিতীয় বাৰৰ বাবে মাতৃ হ’ল ৰিহানা
২০২২ চনৰ মে’ মাহত ৰিহানাই প্ৰথম সন্তান (পুত্ৰ) জন্ম দিয়ে । এতিয়া গায়িকাগৰাকীয়ে দ্বিতীয় সন্তান জন্ম দিয়ে ৷ বিয়া নোহোৱাকৈয়ে প্ৰেমিক A$AP Rocky ৰ সন্তানৰ মাতৃ হ’ল ৰিহানা । অৱশ্যে মাতৃ হোৱাৰ কোনো তথ্য শ্বেয়াৰ কৰা নাই ৰিহানা বা প্ৰেমিকজনে । উল্লেখ্য যে, দুয়োজনে বহু বছৰ ধৰি ডেট কৰি আছে । ডেট কৰাৰ পূৰ্বে দুয়োগৰাকী তিনি বছৰ বন্ধু আছিল ।
সন্তানৰ নাম কি ৰাখিলে ৰিহানাই
খবৰ অনুসৰি দ্বিতীয় পুত্ৰৰ নাম R এলফাবেটেৰে ৰাখিছে যদিও সম্পূৰ্ণ নাম প্ৰকাশ কৰা হোৱা নাই । এইখিনিতে উল্লেখ কৰিব লাগিব যে প্ৰথম পুত্ৰৰ নাম ৰাখিছিল RZA । ৰিহানাই ইয়াৰ নাম ৰেপাৰ আৰু প্ৰযোজক ৰবাৰ্ট ফিটজেৰাল্ড ডিগছৰ নামেৰে ৰাখিছিল ।