চিটাৰা ডেস্ক, 13 অক্টোবৰ:শুকুৰবাৰে মৃত্যুক আঁকোৱালি ল’লে জনপ্ৰিয় মালয়ালম চলচ্চিত্ৰ প্ৰযোজক পিভি গংগাধৰণে । কোজিকোডেৰ এখন ব্যক্তিগত চিকিৎসালয়ত শেষ নিশ্বাস ত্যাগ কৰে প্ৰযোজকগৰাকীয়ে । মৃত্যুৰ সময়ত তেওঁৰ বয়স আছিল ৮০ বছৰ । খবৰ অনুসৰি বাৰ্ধক্যজনিত ৰোগৰ বাবে তেওঁক চিকিৎসালয়ত ভৰ্তি কৰোৱা হৈছিল ৷ কিন্তু অৱশেষত মৃত্যুৰে যুঁজি হাৰ মানিলে আৰু চিৰদিনৰ বাবে এই পৃথিৱীৰ পৰা বিদায় লয় ।
গংগাধৰণৰ মৃত্যুৰ খবৰ নিশ্চিত কৰিছে বাণিজ্য বিশ্লেষক শ্ৰীধৰ পিল্লাই
ট্ৰেড এনালাইষ্ট শ্ৰীধৰ পিল্লাই তেওঁৰ এক্স হেণ্ডেলত ছবি প্ৰযোজকগৰাকীৰ মৃত্যুৰ খবৰ নিশ্চিত কৰিছে । তেওঁ লিখিছে, “পিভি গংগাধৰণ (৮০) প্ৰবীণ মালয়ালম চলচ্চিত্ৰ প্ৰযোজক, কেটিচি গ্ৰুপৰ অন্যতম প্ৰতিষ্ঠাপক তথা মথৰুভূমিৰ ব’ৰ্ড মেম্বাৰ কোজিকোডেত শেষ নিশ্বাস ত্যাগ কৰিছে । পিভিজিয়ে গৃহলক্ষ্মী প্ৰডাকচনৰ অধীনত চলচ্চিত্ৰ নিৰ্মাণ কৰিছে আৰু ৰাজ্যিক আৰু ৰাষ্ট্ৰীয় চলচ্চিত্ৰ বঁটা লাভ কৰিছে । তেওঁৰ কন্যা সন্তানে এতিয়া @Scube_films বেনাৰত প্ৰযোজনা কৰি আছে । "
গংগাধৰৰ মৃত্যুত শোক প্ৰকাশ কৰিছে চলচ্চিত্ৰ প্ৰযোজক কে টি কুঞ্জুমনে