চিটাৰা ডেস্ক, 8 নৱেম্বৰ:শেহতীয়াকৈ ৰশ্মিকা মন্দান্নাই নিজৰ ডিপফেক ভিডিঅ’ৰ বাবে বাতৰিৰ শিৰোনাম দখল কৰিছে । এই সন্দৰ্ভত উদ্বেগ প্ৰকাশ কৰি অভিনেত্ৰীগৰাকীয়ে কৈছিল যে তেওঁ এই ঘটনাত অতিশয় ভয় খাইছে । অনুৰাগীৰ লগতে অমিতাভ বচ্চনেও অভিনেত্ৰীগৰাকীৰ সমৰ্থনত আইনী ব্যৱস্থা গ্ৰহণৰ দাবী উত্থাপন কৰিছিল । শেহতীয়াকৈ মৃণাল ঠাকুৰেও অভিনেত্ৰীগৰাকীৰ সমৰ্থনত মাত মতা পৰিলক্ষিত হৈছিল ৷
ভাইৰেল ডিপফেক ভিডিঅ’ৰ পিচত প্ৰথমবাৰৰ বাবে ৰাজহুৱাকৈ দেখা গ’ল ৰশ্মিকাক
এই বিতৰ্কৰ পিচত প্ৰথমবাৰৰ বাবে ৰাজহুৱাকৈ দেখা গ’ল ৰশ্মিকা মন্দান্নাক ৷ অভিনেত্ৰীগৰাকীয়ে তেওঁৰ সহ-অভিনেতা ৰণবীৰ কাপুৰৰ সৈতে টি ছিৰিজৰ কাৰ্যালয়ৰ পৰা ওলাই অহা দেখা গৈছিল । ভিডিঅ’টোত অভিনেত্ৰীগৰাকীক অতি ভয় খোৱা দেখা গৈছে ।
সমৰ্থনত নামিল অনুৰাগী
এই ভিডিঅ’টো ছ’চিয়েল মিডিয়াত অতিকৈয়ে ভাইৰেল হৈ পৰিছে । ভিডিঅ’টোৰ ওপৰত অনুৰাগীয়ে মন্তব্য কৰা পৰিলক্ষিত হৈছে । অনুৰাগীয়ে ৰশ্মিকাক সমৰ্থন কৰা দেখা পোৱা যায় । এজন ব্যৱহাৰকাৰীয়ে লিখিছে, 'আপোনাৰ প্ৰতি বহুত মৰম আৰু সমৰ্থন ।' এই সময়চোৱাত অভিনেত্ৰীগৰাকীক কেজুৱেল লুকত দেখা গৈছিল । এই লুকটোত অভিনেত্ৰীগৰাকীক সহজ-সৰল দেখা পোৱা গৈছিল ।
কেতিয়া মুক্তি পাব ৰশ্মিকাৰ ছবি এনিমেল ?
উল্লেখ্য যে, ৰশ্মিকা আৰু ৰণবীৰ কাপুৰৰ অভিনীত বহু প্ৰত্যাশিত ছবি এনিমেল ১ ডিচেম্বৰত ছবিগৃহত মুক্তি পাব । এনিমেলৰ ৰোমাঞ্চকৰ টিজাৰে অনুৰাগীৰ উত্তেজনা দুগুণ বৃদ্ধি কৰিছিল । আনহাতে ৰশ্মিকাই ৰণবীৰৰ প্ৰেমিকাৰ চৰিত্ৰত অভিনয় কৰিছে ছবিখনত । এই ছবিখনৰ জৰিয়তে ৰণবীৰ আৰু ৰশ্মিকাক প্ৰথমবাৰৰ বাবে ডাঙৰ পৰ্দাত একেলগে দেখা যাব ।
লগতে পঢ়ক:Rashmika Mandanna: Fake ভিডিঅ’ক লৈ জাৰি নতুন নিয়ম, ১ লাখ টকাৰ জৰিমনাসহ ৩ বছৰৰ কাৰাদণ্ড
