চিটাৰা ডেস্ক, 3 নৱেম্বৰ :বলীউডৰ পাৱাৰ কপল ৰণবীৰ সিং আৰু দীপিকা পাডুকনৰ বিভাজনৰ খবৰে শিৰোনাম দখল কৰাৰ পিছৰে পৰা দম্পতীহালে ইজনে সিজনক অহৰহ সময় দি সকলো উৰাবাতৰিৰ ওৰ পেলাইছে । শেহতীয়াকৈ দেখিবলৈ পোৱা ৰণবীৰ-দীপিকাৰ নতুন ধেমেলীয়া ভিডিঅ’টোৱে প্ৰমাণ কৰিছে যে তেওঁলোকৰ সম্পৰ্ক সাতটা জন্মৰ । দৰাচলতে ৰণবীৰ সিঙে পত্নী দীপিকা পাডুকনৰ সৈতে মানসম্পন্ন সময় কটোৱাৰ ভিডিঅ’ ছ’চিয়েল মিডিয়াত শ্বেয়াৰ কৰিছে, যিটো দুয়োৰে অনুৰাগীয়ে খুব পছন্দ কৰিছে ৷
ৰণবীৰ সিঙে তেওঁৰ Instastory ত এটা ভিডিঅ’ৰ লগতে কিছু ফটো শ্বেয়াৰ কৰিছে । ভিডিঅ’টোত দীপিকাক ৰণবীৰ সিঙৰ সন্মুখত বহি থকা দেখিবলৈ পোৱা গৈছে ৷ ক’লা শ্বৰ্টছ আৰু বগা টি-চাৰ্টত দীপিকাক ক্যুল লুকত দেখিবলৈ পোৱা গৈছে । বগা স্নিকাৰ আৰু ছানগ্লাছ পিন্ধি দীপিকাই নিজৰ লুকটো সম্পূৰ্ণ কৰিছে । সন্মুখৰ পৰা ৰণবীৰে পত্নী দীপিকাৰ ভিডিঅ’ বনাইছে ৷ ভিডিঅ’টোত দীপিকাই হাঁহি হাঁহি ৰণবীৰক প্ৰহাৰ কৰা দেখা গৈছে । ভিডিঅ’টো শ্বেয়াৰ কৰি ৰণবীৰে কেপছনত লিখিছে – ‘#Cutie’।