চিটাৰা ডেস্ক, ৪ ডিচেম্বৰ: দেশ-বিদেশত এতিয়া কেৱল ‘এনিমেল’ৰ জ্বৰ । এই ছবিখনে দেশৰ লগতে বিশ্বব্যাপী বক্স অফিচত ভাল প্ৰদৰ্শন কৰিছে । ইয়াৰ লগে লগে ৰণবীৰ কাপুৰৰ এই ছবিখনে বিশ্বব্যাপী বক্স অফিচত ১ নম্বৰ ছবি হিচাপে আত্মপ্ৰকাশ কৰিছে । সন্দীপ ৰেড্ডী ভাংগাৰ পৰিচালনাত নিৰ্মিত এই ছবিখনে তিনিদিনত বিশ্বব্যাপী বক্স অফিচত প্ৰায় ৪০.৫০ মিলিয়ন মাৰ্কিন ডলাৰ (৩৪০ কোটি টকা) উপাৰ্জন কৰি ৰচিলে ইতিহাস । ইয়াৰ লগে লগে এনিমেলে ভংগ কৰিলে বহু ছবিৰ অভিলেখ ।
‘এনিমেল’ এ বিশ্বজুৰি বক্স অফিচত ৰচিলে ইতিহাস
‘এনিমেল’ মুক্তিৰ প্ৰথম দিনাৰ পৰাই সমগ্ৰ দেশ আৰু বিশ্বৰ বক্স অফিচত ধুমুহাৰ সৃষ্টি কৰিছে । সংবাদ মাধ্যমৰ প্ৰতিবেদন অনুসৰি তিনিদিনত বিশ্বজুৰি ৩৪০ কোটি টকা সংগ্ৰহ কৰি অভিলেখ গঢ়িবলৈ সক্ষম হৈছে ছবিখনে । অৱশ্যে ভাৰতত সপ্তাহৰ শেষৰ ফালে ২৩৩ কোটি টকাৰ ব্যৱসায় কৰিছিল, আনহাতে প্ৰাৰম্ভিক হিচাপ অনুসৰি বিদেশৰ ব্যৱসায় আছিল ১০৬ কোটি টকা (১২.৪ মিলিয়ন মাৰ্কিন ডলাৰ) ।
বিশ্বজুৰি বক্স অফিচ চাৰ্টত শীৰ্ষস্থান দখল কৰিছে এনিমেলে
প্ৰতিবেদন অনুসৰি এনিমেল ‘মাষ্টাৰ’ আৰু ‘আৰ আৰ আৰ’ৰ পিচত প্ৰথম সপ্তাহৰ শেষৰ ফালে গ্ল’বেল বক্স অফিচত #১ স্থান দখল কৰা তৃতীয়খন ভাৰতীয় ছবি হিচাপে পৰিগণিত হৈছে । ৰণবীৰ কাপুৰৰ এই ছবিখনে বিশ্বজুৰি বক্স অফিচৰ চাৰ্টত শীৰ্ষস্থান দখল কৰা হিন্দী মূলৰ প্ৰথমখন ছবি হিচাপে পৰিগণিত হৈছে । ‘এনিমেল’এ বিশ্বজুৰি ‘নেপোলিয়ন’ আৰু ‘হাংগাৰ গেমছ’ৰ সৈতে প্ৰতিযোগিতাত অৱতীৰ্ণ হ’বলগীয়া হৈছিল আৰু এই ছবিখনে এই দুয়োখন আন্তঃৰাষ্ট্ৰীয় ছবিক ব্যৱধানত পৰাস্ত কৰিবলৈ সক্ষম হৈছিল ।
আন্তঃৰাষ্ট্ৰীয় ছবিৰ অভিলেখ ভংগ কৰিলে এনিমেলে