চিটাৰা ডেস্ক, 30 নৱেম্বৰ: অভিনেতা ৰণবীৰ কাপুৰ যোৱা কিছু দিন ধৰি তেওঁৰ আগন্তুক ছবি ‘এনিমেল’ৰ বাবে বাতৰিৰ শিৰোনাম দখল কৰি আহিছে । এই ছবিখনক লৈ অনুৰাগীৰ মাজতো যথেষ্ট উচাহ দেখা পোৱা গৈছে । যাৰ বাবে অনুৰাগীয়ে আগ্ৰহেৰে অপেক্ষা কৰি আছে ‘এনিমেল’ৰ মুক্তিৰ বাবে ।
ইয়াৰ মাজতে এতিয়া ‘এনিমেল’ৰ মৰ্নিং শ্ব’ৰ সন্দৰ্ভত এক ডাঙৰ খবৰ আহিছে । যাৰ ফলত অনুমান কৰা হৈছে যে ৰণবীৰৰ ছবিখনে শ্বাহৰুখ খানৰ ‘পাঠান আৰু জৱান’ৰ দৰেই গতি লাভ কৰিব ।
কেতিয়া আৰম্ভ হ’ব ‘এনিমেল’ৰ শ্ব’ ?
বৰ্তমান সময়ত ‘এনিমেল’ৰ মুক্তিক লৈ যথেষ্ট চৰ্চা চলি আছে । এই ছবিখনৰ সৈতে জড়িত শেহতীয়া আপডেটসমূহ জানিবলৈ আগ্ৰহী হৈ পৰিছে অনুৰাগী । ইফালে বাণিজ্য বিশ্লেষক সুমিত কাডেলে ৰণবীৰ কাপুৰ অভিনীত ছবি ‘এনিমেল’ৰ মৰ্নিং শ্ব’ৰ শেহতীয়া তথ্য শ্বেয়াৰ কৰিছে ।
সুমিতে এক্স একাউন্টত পোষ্ট শ্বেয়াৰ কৰি কয় যে পুৱা ৬-৭ বজাৰ পৰা আৰম্ভ হ’ব এনিমেলৰ মৰ্নিং শ্ব’ । সুমিতে লিখিছে, ‘‘আমি দক্ষিণত কৰাৰ দৰেই পুৱাৰ শ্ব’বোৰ সমগ্ৰ ভাৰততে আৰম্ভ হৈছিল FRONT LOADED HINDI FILMS ৰ বাবে । #পাঠানে পুৱা ৫-৬ বজাত পুৱাৰ শ্ব’ৰ জৰিয়তে এই ধাৰাটো আৱিষ্কাৰ কৰিছিল । #আদিপুৰুষ #জৱান #টাইগাৰ৩ ইয়াক আগুৱাই লৈ গৈছিল । এতিয়া #Animal এ ইয়াক অব্যাহত ৰাখিছে কাৰণ সমগ্ৰ ভাৰততে এনিমেলৰ পুৱা ৬-৭ শ্ব’ আৰম্ভ হ’ব । কেৱল EXCITING CONTENT & SUPERSTARS য়েহে পুৱাই চিনেমা হলত দৰ্শক আনিব পাৰে ।’’