চিটাৰা ডেস্ক, 28 ছেপ্টেম্বৰ : জনপ্ৰিয় অভিনেতা ৰণবীৰ কাপুৰে আজি উদযাপন কৰিছে 40 সংখ্যক জন্মদিন (Ranbir Kapoor Birthday)। ৰণবীৰৰ জন্ম হৈছিল 1982 চনৰ 28 ছেপ্টেম্বৰত মহাৰাষ্ট্ৰৰ মুম্বাইত (Ranbir Kapoor age) । বলীউডত আত্মপ্ৰকাশ কৰা প্ৰথমখন ছবি ‘সাৱৰীয়া’ ফ্লপ হৈছিল যদিও কিন্তু ছবিখনৰ পৰা নিজৰ চাপ ৰাখিবলৈ সক্ষম হয় ৰণবীৰ কাপুৰ ৷
ছবিৰ ক্ষেত্ৰতেই হওক বা গাৰ্লফ্ৰেণ্ড সলনি কৰিয়েই হওক বলীউডৰ চকলেট বয়ে প্ৰায়ে বাতৰিৰ শিৰোনামা দখল কৰি থাকে ৷ কাপুৰ পৰিয়ালৰ চতুৰ্থ প্ৰজন্মৰ অভিনেতা ৰণবীৰ কাপুৰে নিজৰ উজ্জ্বল অভিনয়েৰে দৰ্শকৰ হৃদয় জয় কৰিবলৈ সক্ষম হৈছে । অভিনেত্ৰী আলিয়া ভাটৰ সৈতে পাঁচ বছৰীয়া প্ৰেমৰ অন্তত 14 এপ্ৰিলত বিবাহ পাশত আৱদ্ধ হয় দুয়ো । অতি সোনকালেই পিতৃ-মাতৃ হোৱাৰ সুখ লাভ কৰিব ৰণবীৰ-আলিয়াই ৷ ৰণবীৰৰ জন্মদিনত আমি আপোনালোকৰ বাবে লৈ আহিছো তেওঁৰ কেইখনমান বিশেষ ছবি (Ranbir Kapoor best movies)-
সাৱৰীয়া :তেওঁ অভিনেতা হিচাপে নিজৰ কেৰিয়াৰ আৰম্ভ কৰিছিল সাৱৰীয়া শীৰ্ষক ছবিখনেৰে । 2007 চনত মুক্তি পোৱা সঞ্জয় লীলা ভাঞ্চালীৰ ছবি ‘সাৱৰীয়া’ত সোনম কাপুৰৰ বিপৰীতে তেওঁ অভিনয় কৰিছিল ৷ এই ছবিখন ফ্লপ হৈছিল । ছবিখনত তেওঁৰ সুন্দৰ অভিনয়ৰ বাবে তেওঁ লাভ কৰিছিল বঁটা ।
অজব প্ৰেম কি গজব কাহিনী : 2009 চনত মুক্তি পোৱা এইখন আছিল এখন হিন্দী কমেডি চলচ্চিত্ৰ ৷ ইয়াত মুখ্য চৰিত্ৰত অভিনয় কৰিছিল ৰণবীৰ কাপুৰ আৰু কেটৰিণা কাইফে । ছলমান খানকো ছবিখনত অতিথি চৰিত্ৰ এটাত দেখা গৈছিল । পৰিচালক ৰাজকুমাৰ সন্তোষীৰ ছবিখন 2009 চনৰ 6 নৱেম্বৰত ছবিগৃহত প্ৰদৰ্শিত হৈছিল । বোলছবিখনে বক্স অফিচত সফলতা লাভ কৰিছিল ।