চিটাৰা ডেস্ক, 8 ডিচেম্বৰ :বলীউডৰ প্ৰবীণ ছবি পৰিচালক ৰাম গোপাল বাৰ্মা এতিয়া তেলুগু ছবি জগতৰ লগত জড়িত হৈ পৰিছে । ৰাম গোপাল বাৰ্মা এনে এজন পৰিচালক যি নিজৰ চিনেমা হিট কৰিবলৈ যিকোনো পৰ্যায়লৈ যাব পাৰে । এনে কাৰ্যৰ বাবে তেওঁ বহুবাৰ বিতৰ্কৰ বলি হ’বলগীয়া হৈছে । শেহতীয়াকৈ আকৌ এবাৰ তেওঁ টুইটাৰত এনে এখন ফটো আৰু ভিডিঅ’ শ্বেয়াৰ কৰিছে, য’ত তেওঁক এগৰাকী অভিনেত্ৰীৰ ভৰিত চুমা খাই থকা দেখিবলৈ পোৱা গৈছে ।
দৰাচলতে ৰাম গোপাল বাৰ্মাৰ আগন্তুক ছবি ‘Dangerous’ ৰ প্ৰচাৰৰ বাবে এই কাম কৰিছে পৰিচালকজনে ৷ ছবি প্ৰচাৰৰ এই পদক্ষেপ দেখি সকলো আচৰিত হৈ পৰিছে । যাৰ ভৰিত ৰাম গোপালে চুমা খাই থকা দেখা গৈছে তেওঁৱেই হৈছে ছবিখনৰ অভিনেত্ৰী । তেওঁৰ লগত ৰাম গোপাল বাৰ্মাৰ অদ্ভুত ফটো আৰু ভিডিঅ’ ইণ্টাৰনেটত এতিয়া ভাইৰেল হৈ পৰিছে । জানিব পৰা মতে ‘Dangerous’ চিনেমাখনৰ প্ৰচাৰৰ বাবে ৰাম গোপালে এনে ফটো টুইট কৰিছে ।
ফটোখন শ্বেয়াৰ কৰাৰ পিছত তেওঁ এটা ভিডিঅ’ও টুইট কৰে । ভিডিঅ’টোত ‘Dangerous’ত ছবিখনৰ অভিনেত্ৰী আশু ৰেড্ডীক চোফাত আৰু ৰাম গোপালক পকাত বহি কথোপকথন কৰি থকা দেখা গৈছে ৷ এই ফটো আৰু ভিডিঅ’ বোৰত নেটিজেনে ভিন্ন প্ৰতিক্ৰিয়া প্ৰকাশ কৰিছে ৷