Raju Srivastav Death news: ৰাজু শ্ৰীবাস্তৱৰ মৃত্যুত টুইটাৰত শোকৰ বন্যা

Raju Srivastav Death: 10 আগষ্টৰ পৰা চিকিৎসালয়ত ভৰ্তি হৈ থকা ৰাজু শেষ সময় পৰ্যন্ত ভেণ্টিলেটৰত আছিল । ৰাজুৰ মৃত্যুৰ বাতৰিয়ে চলচ্চিত্ৰ জগতত শোকৰ ছাঁ পৰিছে ৷ অনুৰাগী সকল শোকত ভাগি পৰাৰ লগতে টুইটাৰত ৰাজুৰ মৃত্যুত শোক প্ৰকাশ কৰিছে ।

চিটাৰা ডেস্ক, 21 ছেপ্টেম্বৰ : টিভিৰ কিংবদন্তী কৌতুক অভিনেতা ৰাজু শ্ৰীবাস্তৱ, যাক Gajodhar bhaiya বুলিও জনা যায়, বুধবাৰে ৰাতিপুৱা (21 ছেপ্টেম্বৰ) দিল্লীত শেষ নিশ্বাস ত্যাগ কৰে । ৰাজুক 10 আগষ্টত হৃদ ৰোগত আক্ৰান্ত হোৱা বাবে চিকিৎসালয়ত ভৰ্তি কৰোৱা হৈছিল আৰু তেতিয়াৰ পৰাই তেওঁৰ চিকিৎসা চলি আছিল ৷ মৃত্যুৰ আগমূহুৰ্তলৈকে তেওঁ ভেণ্টিলেটৰত আছিল । ৰাজুৰ মৃত্যুত সমগ্ৰ চলচ্চিত্ৰ উদ্যোগ শোকস্তব্ধ হৈ পৰিছে ৷ দেশ আৰু বিশ্বৰ মানুহে ৰাজুৰ মৃত্যুত শোক প্ৰকাশ কৰিছে ।