Rajpal Yadav latest news:ছবিৰ শ্বুটিঙৰ সময়ত দুৰ্ঘটনাৱশতঃ এজন ছাত্ৰক খুন্দিয়ালে ৰাজপাল যাদৱে

আৰক্ষীয়ে কৈছিল যে ৰাজপাল যাদৱে চলাই থকা স্কুটাৰখন পুৰণি আছিল । অভিনেতাজনে নিয়ন্ত্ৰণ হেৰুৱাই পেলাইছিল আৰু clutch wire ছিগি যোৱাৰ পিছত ছাত্ৰজনক আঘাত কৰিছিল ৷ ছাত্ৰজন দৃশ্যমানভাৱে আঘাতপ্ৰাপ্ত হোৱা নাছিল, অৱশ্যে বিষয়টো সন্দৰ্ভত অধিক অনুসন্ধান চলি আছে (Rajpal Yadav news) ।

চিটাৰা ডেস্ক, 13 ডিচেম্বৰ : উত্তৰ প্ৰদেশৰ প্ৰয়াগৰাজৰ কাটৰা অঞ্চলত হিন্দী চিনেমাৰ শ্বুটিং চলি থকাৰ সময়ত স্কুটাৰ চলাই থকা অৱস্থাত অভিনেতা ৰাজপাল যাদৱে খুন্দা মৰাৰ ফলত এজন ছাত্ৰ আহত হোৱাৰ অভিযোগ উত্থাপন হৈছে । এই ঘটনা সন্দৰ্ভত কৰ্ণেলগঞ্জ আৰক্ষীক এজাহাৰ দিয়াৰ লগতে ছবিখনৰ দলটোৱে অসৎ আচৰণ কৰাৰ অভিযোগ উত্থাপন কৰিছে ছাত্ৰজনে ।

জিলা প্ৰশাসনৰ অনুমতি সাপেক্ষে চলি থকা শ্বুটিঙত ছাত্ৰগৰাকীকে ধৰি একাংশ লোকে বিঘিনি ঘটাবলৈ চেষ্টা কৰা বুলি অভিযোগ উত্থাপন কৰিছে অভিনেতাজনে ।

কৰ্ণেলগঞ্জ আৰক্ষী থানাৰ ষ্টেচন হাউছ অফিচাৰ ৰাম মোহন ৰায়ে কয় যে, অভিনেতাজনে যিখন স্কুটাৰ চলাইছিল সেইখন পুৰণি আছিল । clutch wire ভাঙি যোৱাৰ পিছত অভিনেতাজনে নিয়ন্ত্ৰণ হেৰুৱাই ছাত্ৰজনক খুন্দা মাৰে বুলি তেওঁ লগতে জানিবলৈ দিয়ে ।

ছাত্ৰজনে কোনো ধৰণৰ দৃশ্যমান আঘাত পোৱা নাই বুলি আৰক্ষী বিষয়াগৰাকীয়ে জানিবলৈ দিয়ে । অৱশ্যে এই ঘটনা সন্দৰ্ভত অধিক তদন্ত চলি আছে যাৰ পিছত অধিক ব্যৱস্থা গ্ৰহণ কৰা হ’ব বুলিও তেওঁ লগতে কয় ।

খবৰ অনুসৰি, কমেডিয়ান ৰাজপাল যাদৱ আৰু তেওঁৰ দলে তেওঁলোকৰ আগন্তুক ছবি এখনৰ শ্বুটিং আৰম্ভ কৰে পুৱাৰে পৰা লক্ষ্মী টকীজ ক্ৰছিঙৰ সমীপত । ছাত্ৰ-ছাত্ৰীকে ধৰি কৌতুহলী স্থানীয় লোকে শ্বুটিং চাবলৈ সেই স্থানত বৃহৎ সংখ্যক ৰূপত সমবেত হয় । ইয়াৰ পিছতে দলটো বেংক ৰোডৰ দিশে আগবাঢ়ি যায় য’ত যাদৱে স্কুটাৰত উঠি চিত্ৰগ্ৰহণ কৰি আছিল ।

লগতে পঢ়ক :North East Festival: নৰ্থ-ইষ্ট ফেষ্টিভেলত মুখৰিত হৈ পৰিল আমেৰিকা