চিটাৰা ডেস্ক, 16 ডিচেম্বৰ : শ্বাহৰুখ খান আৰু দীপিকা পাডুকন অভিনীত আগন্তুক ছবি ‘পাঠান’ৰ ‘besharam rang’ গীতটোক লৈ দৈনিক বিতৰ্ক হৈ আছে । ছবিখনৰ প্ৰথমটো গীতে মুক্তিৰ পিছতেই তোলপাৰ লগাইছে সামাজিক মাধ্যমত ৷ দীপিকাৰ পোছাকৰ পৰা আৰম্ভ কৰি নৃত্যৰ ভংগীমা লৈকে সকলো কোণতে বেয়াকৈ ট্ৰ’ল কৰিছে একাংশই । ছ’চিয়েল মিডিয়াত প্ৰতিবাদ চলি থকাৰ মাজতে শ্বাহৰুখ আৰু দীপিকাৰ সমৰ্থনত নামিছে বলীউডৰ বহু তাৰকা । ছ’চিয়েল মিডিয়াত এটা পোষ্ট শ্বেয়াৰ কৰি শ্বাহৰুখ খানক সমৰ্থন কৰিছে Raeesৰ পৰিচালক ৰাহুল ঢোলাকিয়াই ।
টুইটাৰ হেণ্ডেলত পোষ্টটো শ্বেয়াৰ কৰি তেওঁ কৈছে যে, ‘চলচ্চিত্ৰ উদ্যোগৰ সৈতে জড়িত লোকসকলে বছৰ বছৰ ধৰি শ্বাহৰুখ খানৰ ওপৰত হৈ অহা ঘৃণামূলক আক্ৰমণক গৰিহণা দিব লাগে । আনৰ তুলনাত এছ আৰ কেয়ে মনোৰঞ্জন আৰু চিনেমাৰ ৰাষ্ট্ৰদূত হিচাপে ভাৰতলৈ উল্লেখযোগ্য অৱদান আগবঢ়াইছে । অনুগ্ৰহ কৰি এই ধৰ্মান্ধসকলক মনে মনে থাকিবলৈ কওক’ ।