Priyanka Chopra প্ৰয়াত পিতৃৰ জন্মদিনত আৱেগিক হৈ পৰিল প্ৰিয়ংকা চোপ্ৰা

গ্লবেল আইকন প্ৰিয়ংকা চোপ্ৰাৰ পিতৃৰ আজি জন্মদিন ৷ প্ৰয়াত পিতৃ অশোক চোপ্ৰাক জন্মদিনৰ শুভেচ্ছা জ্ঞাপন কৰাৰ লগতে তাৰকাগৰাকীয়ে শ্বেয়াৰ কৰিছে শৈশৱৰ এখন সুন্দৰ ছবি (Priyanka Chopra latest insta post) ।

চিটাৰা ডেস্ক, 24 আগষ্ট :গ্ল’বেল ষ্টাৰ প্ৰিয়ংকা চোপ্ৰাই ইতিমধ্যেই বিয়া বাৰু পাতি এটি সন্তানেৰে সৈতে সুখৰ সংসাৰখন আগবঢ়াই নিছে ৷ অভিনেত্ৰী গৰাকীয়ে প্ৰায়ে শহুৰৰ পৰিয়ালৰ সদস্যৰে সৈতে ফটো শ্বেয়াৰ কৰি থাকে ৷ সময়ে সময়ে ভাৰতলৈয়ো আহি থাকে তাৰকা গৰাকী ৷

আজি অভিনেত্ৰী গৰাকীয়ে পিতৃৰ সৈতে তেওঁৰ সৰু কালৰ এখন ফটো শ্বেয়াৰ কৰিছে ইনষ্টাগ্ৰামত (Priyanka Chopra instagram) ৷ দৰাচলতে পিতৃ অশোক চোপ্ৰাৰ আজি জন্মদিন (Priyanka Chopra father)৷ সেয়ে বিশেষ দিনটোত পিতৃক সুৱঁৰি জন্মদিনৰ শুভেচ্ছা জনাই এই ফটোখন শ্বেয়াৰ কৰিছে প্ৰিয়ংকাই ৷ ফটোখন শ্বেয়াৰ কৰি কেপছনত প্ৰিয়ংকাই লিখিছে, Happy birthday dad. We miss u. Everyday ❤️।

প্ৰিয়ংকাই শ্বেয়াৰ কৰা ফটোখনত অনুৰাগীৰ শুভেচ্ছাৰে ভৰি পৰিছে । পিতৃৰে সৈতে যথেষ্ট ওচৰৰ সম্পৰ্ক আছিল প্ৰিয়ংকাৰ ৷ 2013 চনত মৃত্যু ঘটিছিল অশোক চোপ্ৰাৰ ৷ তেওঁৰ মৃত্যুৰ পিছত একেবাৰে ভাগি পৰিছিল অভিনেত্ৰী গৰাকী ৷

পিতৃৰ অনুপস্থিতিত তেওঁৰ মাতৃ মধু চোপ্ৰাই বহু যত্ন লৈছিল তেওঁৰ ৷ 2018 চনত গায়ক নিক জোনাছৰ সৈতে ৰাজকীয় ভাৱে বিবাহ পাশত আৱদ্ধ হয় প্ৰিয়ংকা । কৰ্মক্ষেত্ৰৰ বিষয়ে ক’বলৈ গ’লে প্ৰিয়ংকা চোপ্ৰাই তেওঁৰ নতুন প্ৰজেক্ট ‘চিটাডেল’ৰ শ্বুটিঙ ইতিমধ্যে শেষ কৰিছে ।

বলীউডৰো নতুন ছবি এখন প্ৰিয়ংকাৰ হাতত আছে ৷ ছবিখনত তেওঁক কেটৰিণা কাইফ আৰু আলিয়া ভাটৰ সৈতে দেখিবলৈ পোৱা যাব ৷ ফৰহান আখতাৰৰ ভগ্নী জোয়া আখতাৰৰ পৰিচালনাত নিৰ্মিত হ’ব এই ছবিখন ।