চিটাৰা ডেস্ক, 12 নৱেম্বৰ: বলীউডৰ দেশী গাৰ্ল অৰ্থাৎ অভিনেত্ৰী প্ৰিয়ংকা চোপ্ৰা বৰ্তমান বিদেশত থিতাপি লৈছে, কিন্তু তাতেই অভিনেত্ৰীগৰাকীয়ে প্ৰতিটো উৎসৱ অতি আড়ম্বৰেৰে উদযাপন কৰে । বৰ্তমান দীপাৱলী উদযাপনত ব্যস্ত অভিনেত্ৰীগৰাকী । শেহতীয়াকৈ প্ৰিয়ংকাই ইয়াৰ কিছুমান ছবি ছ’চিয়েল মিডিয়াৰ জৰিয়তে অনুৰাগীৰ সৈতে শ্বেয়াৰ কৰিছে । এই ছবিবোৰত প্ৰিয়ংকাই মালতী মেৰীয়ে বনোৱা প্ৰথম ৰংগোলীৰ ফটো শ্বেয়াৰ কৰিছে ।
প্ৰিয়ংকাৰ কন্যা মালতীয়ে দীপাৱলীত এনেদৰে বনালে ৰংগোলী প্ৰিয়ংকাৰ কন্যাই দীপাৱলীত বনালে প্ৰথমটো ৰংগোলী
প্ৰিয়ংকা চোপ্ৰাই নিজৰ ইনষ্টাগ্ৰাম একাউণ্টৰ ষ্ট’ৰীত এই ছবিসমূহ শ্বেয়াৰ কৰিছে । য’ত অভিনেত্ৰীগৰাকীয়ে মালতীয়ে বনোৱা প্ৰথম ৰংগোলীৰ ফটো অনুৰাগীৰ সৈতে শ্বেয়াৰ কৰিছে ৷ এই ফটো শ্বেয়াৰ কৰি অভিনেত্ৰীগৰাকীয়ে লিখিছে – ‘প্ৰথম ৰংগোলী’ । ছবিখনত দেখা গৈছে মালতীয়ে বনোৱা এটা মৰমলগা বগা আৰু বেঙুনীয়া ৰঙৰ ৰংগোলী । যাৰ ভিতৰত এটা চাকি ৰখা হৈছে ।
দীপাৱলীৰ শুভেচ্ছা জনালে প্ৰিয়ংকাই প্ৰিয়ংকাই নিজৰ অনুৰাগীক এনেদৰে জনালে দীপাৱলীৰ শুভেচ্ছা
মালতীৰ ৰংগোলীৰ ফটোৰ লগতে প্ৰিয়ংকাই আন এখন ফটো শ্বেয়াৰ কৰিছে ৷ জ্বলি থকা চাকিৰ এখন ছবি শ্বেয়াৰ কৰিছে অভিনেত্ৰীগৰাকীয়ে । অভিনেত্ৰীগৰাকীয়ে অনুৰাগীক দীপাৱলীৰ শুভেচ্ছা জনাই লিখিছে - ‘‘আপোনালোক সকলোকে দীপাৱলীৰ শুভেচ্ছা জনালোঁ, ইয়াত সদায় পোহৰ হৈ থাকক ৷’’ প্ৰিয়ংকাৰ এই পোষ্টটো এতিয়া ছ’চিয়েল মিডিয়াত ভাইৰেল হৈ পৰিছে । যিটো তেওঁৰ অনুৰাগীয়ে অতিশয় ভাল পাইছে ।
অভিনেত্ৰীগৰাকীক শেষবাৰৰ বাবে দেখা গৈছিল ‘চিটাডেল ২’ত
উল্লেখ্য যে, প্ৰিয়ংকা চোপ্ৰাই শেষবাৰৰ বাবে MAMI চলচ্চিত্ৰ মহোৎসৱত অংশগ্ৰহণ কৰিবলৈ মুম্বাইত উপস্থিত হৈছিল । ৱৰ্ক ফ্ৰণ্টৰ কথা ক’বলৈ গ’লে অভিনেত্ৰীগৰাকীক শেষবাৰৰ বাবে দেখা গৈছিল ‘চিটাডেল ২’ত । এতিয়া অতি সোনকালে অভিনেত্ৰীগৰাকীক বহু ডাঙৰ ডাঙৰ প্ৰজেক্টত দেখা যাব ।
এইখিনিতে উল্লেখ কৰিব লাগিব যে প্ৰিয়ংকা চোপ্ৰাৰ বিবাহ হলিউডৰ গায়ক নিক জ’নাছৰ সৈতে হৈছে । বিয়াৰ পিচত এতিয়া প্ৰিয়ংকা-নিক কন্যা মালতী মেৰীৰ পিতৃ-মাতৃ । যাৰ ছবি প্ৰিয়ংকাই প্ৰায়ে ছ’চিয়েল মিডিয়াৰ জৰিয়তে অনুৰাগীৰ সৈতে শ্বেয়াৰ কৰে ।
লগতে পঢ়ক:Kareena Kapoor Diwali Bash: কৰীণাৰ পাৰ্টিত সকলোৰে দৃষ্টি আকৰ্ষণ কৰিলে আলিয়া-ৰণবীৰে, পাৰ্টিত দেখা গ’ল এইসকল তাৰকাকো
