চিটাৰা ডেস্ক, ১৬ জানুৱাৰী : বলীউডৰ দেশী গাৰ্ল অৰ্থাৎ প্ৰিয়ংকা চোপ্ৰা বৰ্তমান হিন্দী ছবিৰ পৰা আঁতৰি আছে যদিও ব্যক্তিগত জীৱনৰ বাবে প্ৰায়ে বাতৰিৰ শিৰোনামত থাকে । অৱশ্যে প্ৰিয়ংকা এতিয়া কেৱল এগৰাকী অভিনেত্ৰী নহয়, এগৰাকী মাতৃও ৷ এটি কন্যা সন্তানৰ মাতৃ প্ৰিয়ংকা ৷ চাওতে চাওতে এতিয়া প্ৰিয়ংকাৰ কন্যা মালতী মেৰী দুবছৰীয়া হ’ল ৷ শেহতীয়াকৈ প্ৰিয়ংকাই স্বামী নিক জ’নাছৰ সৈতে মালতীৰ দ্বিতীয় জন্মদিন উদযাপন কৰিছে । যাৰ এটা ভিডিঅ’ এতিয়া ছ’চিয়েল মিডিয়াত প্ৰকাশ পাইছে, যিটো ক্ৰমান্বয়ে ভাইৰেল হৈ পৰিছে ।
প্ৰিয়ংকা চোপ্ৰা আৰু নিক জ’নাছৰ কন্যা মালতীৰ ১৫ জানুৱাৰীত দুবছৰ সম্পূৰ্ণ হৈছে । এনে পৰিস্থিতিত এই দম্পতীয়ে মালতীৰ জন্মদিনটো অতি বিশেষ ধৰণেৰে উদযাপন কৰিছে । মালতীৰ জন্মদিন উদযাপনৰ এটা ভিডিঅ’ এতিয়া এই দম্পতীৰ এটা ফেন পেজত প্ৰকাশ পাইছে । যিটো এতিয়া ক্ৰমান্বয়ে ভাইৰেল হৈ পৰিছে ।
ছ’চিয়েল মিডিয়াত প্ৰকাশ পোৱা এই ভিডিঅ’টোত প্ৰিয়ংকা আৰু নিক জ’নাছে সাগৰৰ পাৰত মালতীৰ জন্মদিন উদযাপন কৰা দেখা গৈছে। প্ৰিয়ংকা আৰু নিকৰ উপৰিও তেওঁলোকৰ কিছুমান বিশেষ বন্ধুকো ভিডিঅ’টোত দেখা গৈছে । যাক মালতীৰ সৈতে খেলি থকা দেখা গৈছে ।