চিটাৰা ডেস্ক, 9 মে’: অক্ষয় কুমাৰৰ মুক্তি পাবলগীয়া ছবি পৃথ্বীৰাজৰ নিৰ্মাতাসকলে সোমবাৰে ছবিখনৰ ট্ৰেইলাৰ মুকলি কৰে (Akshay Kumar new movie) । ছবিখনত পৃথ্বীৰাজ চৌহানৰ অতুলনীয় সাহসিকতা আৰু সাহসৰ প্ৰতি শ্ৰদ্ধাঞ্জলি জনোৱা হৈছে । ট্ৰেইলাৰটোৱে পৃথ্বীৰাজ চৌহানৰ দ্বাৰা সংঘটিত মহাকাব্যিক যুদ্ধ আৰু তেওঁ প্ৰদৰ্শন কৰা সাহসৰ এক আভাস দিয়ে ।
পৃথ্বীৰাজ ছবিখন সম্ৰাট পৃথ্বীৰাজ চৌহানৰ জীৱন আৰু বীৰত্বৰ ওপৰত আধাৰিত । অক্ষয়ে পৃথ্বীৰাজৰ চৰিত্ৰত অভিনয় কৰিছে যিয়ে শত্ৰুৰ বিৰুদ্ধে সাহসেৰে যুঁজিছিল । এই ছবিখনৰ জৰিয়তে মানুষী ছিল্লাৰে বলীউডত আত্মপ্ৰকাশ কৰিব (Manushi Chhillar debut film) ৷ মানুষীয়ে যোদ্ধা পৃথ্বীৰাজৰ সংগী সংযোগিতা হিচাপে আত্মপ্ৰকাশ কৰিব ৷ বলীউডত মানুষীৰ আত্মপ্ৰকাশৰ বাবে তেওঁৰ অনুৰাগীসকল অধিৰ আগ্ৰহেৰে ৰৈ আছে ৷