Pathaan box office day 17: পাঠানে বিশ্বজুৰি 901 কোটি টকা অৰ্জন কৰিছে

মুক্তিৰ 17 দিনৰ পাছতো পাঠানে দৰ্শকৰ হৃদয় আৰু বক্স অফিচত নিজৰ শাসন অব্যাহত ৰাখিছে (Pathaan box office day 17) । শনিবাৰে নিৰ্মাতাসকলে শ্বেয়াৰ কৰে যে শ্বাহৰুখ খান, দীপিকা পাডুকন আৰু জন আব্ৰাহামে অভিনয় কৰা ছবিখনে বিশ্বব্যাপী বক্স অফিচত 901 কোটি টকা উপাৰ্জন কৰিবলৈ সক্ষম হৈছে (Pathaan box office) ।

চিটাৰা ডেস্ক, 11 ফেব্ৰুৱাৰী :চাৰি বছৰৰ মূৰত ডাঙৰ পৰ্দালৈ ঘূৰি অহা চুপাৰষ্টাৰ শ্বাহৰুখ খানৰ পাঠান ছবিখনে বিশ্বব্যাপী বক্স অফিচত 901 কোটি টকা উপাৰ্জন কৰিবলৈ সক্ষম হৈছে । যশ ৰাজ ফিল্মছ (ৱাই আৰ এফ)ৰ তথ্য অনুসৰি সিদ্ধাৰ্থ আনন্দৰ পৰিচালনাত ছবিখনে তৃতীয়টো শুকুৰবাৰে ভাৰতত 5.90 কোটি টকাৰ নেট সংগ্ৰহ কৰে (Pathaan box office) ।

ষ্টুডিঅ’টোৱে প্ৰেছৰ সৈতে হোৱা এক সাক্ষাৎকাৰত কয় যে, "বিশ্বব্যাপী মুঠ উপাৰ্জন হৈছে অবিশ্বাস্য 901 কোটি টকা (Pathaan worldwide box office) (ভাৰতৰ মুঠ: 558.40 কোটি টকা, বিদেশত: 342.60 কোটি টকা)" ৷ ৱাইআৰএফে কৈছিল যে পাঠান হিন্দী চলচ্চিত্ৰৰ ইতিহাসত বিশ্বব্যাপী সৰ্বাধিক উপাৰ্জন কৰা হিন্দী চলচ্চিত্ৰ হৈ পৰিছে (Pathaan records) । এই এক্সন থ্ৰিলাৰ খনে পাঠান নামৰ এজন গুপ্তচৰ (শ্বাহৰুখ)ক অনুসৰণ কৰে যিয়ে সন্ত্ৰাসবাদী গোট আউটফিট এক্সক ভাৰতক দুৰ্বল কৰি তোলা আক্ৰমণৰ ক্ষেত্ৰত বাধা প্ৰদান কৰিবলৈ নিৰ্বাসনৰ পৰা ওলাই আহে ।

ছবিখনত জন আব্ৰাহাম, দীপিকা পাডুকনকে ধৰি ডিম্পল কাপাদিয়া, আশুতোষ ৰাণাৰ লগতে অসমৰ জনপ্ৰিয় অভিনেতা দিগন্ত হাজৰিকাইয়ো গুৰুত্বপূৰ্ণ চৰিত্ৰত অভিনয় কৰিছে । ছলমান খানৰ এক থা টাইগাৰ (2012) আৰু টাইগাৰ জিন্দা হে (2017) আৰু হৃতিক ৰোশনৰ ৱাৰ (2019)ৰ পিছত ৱাই আৰ এফৰ অভিলাষী চোৰাংচোৱা বিশ্বব্ৰহ্মাণ্ডৰ চতুৰ্থখন চিনেমা হৈছে পাঠান ।

ছবিখনৰ সন্দৰ্ভত সিদ্ধাৰ্থই শেহতীয়া এক সাক্ষাৎকাৰত কয় যে "universe conspired to make it a hit" অন্যথা পাঠানৰ দৰে ছবি এখন নিৰ্মাণ কৰাটো সম্ভৱ নহয় আৰু দৰ্শকৰ পৰা যি ধৰণৰ সঁহাৰি লাভ কৰিছিল সেয়া কল্পনাতীত । সিদ্ধাৰ্থ আৰু এছ আৰ কেয়ে পাঠান 2 ৰ বাবে পুনৰ একত্ৰিত হোৱাৰ ইচ্ছা প্ৰকাশ কৰিছে যদিও সেইটো হোৱাৰ আগতে তেওঁলোকৰ দুয়োৰে হাতত একাধিক প্ৰকল্প আছে ।

পাঠানৰ সফলতা বাৰুকৈয়ে উপভোগ কৰিছে ছবিখনৰ সৈতে জড়িত সকলোৱে ৷ বিশেষকৈ শ্বাহৰুখৰ ক্ষেত্ৰত এই ছবিখনৰ সফলতা কিছু সুকীয়া এইকাৰণেই কাৰণ তেওঁ চাৰিবছৰৰ মূৰত ৰূপালী পৰ্দালৈ ঘূৰি আহিছে ৷ ইয়াৰ পিছত তামিল চলচ্চিত্ৰ নিৰ্মাতা এটলী কুমাৰৰ জোৱানত দেখা যাব এছ আৰ কেক । লগতে ৰাজকুমাৰ হিৰাণীৰ ডাংকি আহি আছে তাপসী পান্নুৰ সৈতে । ইফালে সিদ্ধাৰ্থৰ হাতত আছে ফাইটাৰ য’ত হৃতিক ৰোশন আৰু দীপিকা পাডুকনৰ সৈতে ছবিখনৰ নিৰ্মাণৰ কাম চলি আছে । ফাইটাৰ হ’ব ভাৰতৰ প্ৰথমখন এৰিয়েল এক্সন ছবি ।

লগতে পঢ়ক :Siddharth Anand on pathaan controversy: পাঠানে বৰ্জন দলৰ কাৰ্যসূচী বিফল কৰি তুলিলে: সিদ্ধাৰ্থ আনন্দ