Parineeti Chopra: বিবাহৰ সন্দৰ্ভত পৰোক্ষভাৱে প্ৰতিক্ৰিয়া প্ৰকাশ কৰিলে পৰিণীতি চোপ্ৰাই

আম আদমী পাৰ্টিৰ নেতাই ছ’চিয়েল মিডিয়াত পৰিণীতি চোপ্ৰা আৰু ৰাঘৱ চাড্ডাৰ বিবাহৰ বিষয়ে নিশ্চিত কৰাৰ পিচত আৰু অধিক তীব্ৰতৰ হৈ পৰে দুয়োৰে সন্দৰ্ভত উৰাবাতৰি (Parineeti Chopra) । শেহতীয়াকৈ পৰিণীতিৰ এটা ভিডিঅ’ ছ’চিয়েল মিডিয়াত দ্ৰুতগতিত ভাইৰেল হৈ পৰে ৷ ভিডিঅ’টোত অভিনেত্ৰীগৰাকীয়ে বিবাহৰ সন্দৰ্ভত প্ৰত্যেক্ষভাৱে একো নকলেও পৰোক্ষভাৱে প্ৰতিক্ৰিয়া প্ৰকাশ কৰে পৰিণীতি চোপ্ৰাই ৷ সবিশেষ জানিবলৈ পঢ়ক এই সম্পূৰ্ণ প্ৰতিবেদন ৷

চিটাৰা ডেস্ক, 29 মাৰ্চ: স্বৰা ভাস্কৰ আৰু ফাহাদ আহমেদৰ পিচত হিন্দী চলচ্চিত্ৰ উদ্যোগ আৰু ৰাজনীতি জগতৰ আন এক মিলন হ’বলৈ গৈ আছে ৷ সম্প্ৰতি ছ’চিয়েল মিডিয়াত চৰ্চা লাভ কৰিছে বলীউডৰ এগৰাকী জনপ্ৰিয় অভিনেত্ৰী আৰু ৰাজনীতি জগতৰ এগৰাকী জনপ্ৰিয় নেতাৰ নাম ৷ হয়, ইতিমধ্যেই আপুনি হয়তো গম পাইছে আমি কাৰ কথা ক’বলৈ লৈছো ৷ আমি কৈছো অভিনেত্ৰী পৰিণীতি চোপ্ৰা আৰু ৰাজনীতিবিদ ৰাঘৱ চাড্ডাৰ কথা (Parineeti Chopra Raghav Chadha relationship) ৷

মুম্বাইত শেহতীয়াকৈ কেইবাৰো যুটিটোক একেলগে দেখা পোৱাৰ পিচতে পৰিণীতি চোপ্ৰা আৰু ৰাঘৱ চাড্ডাৰ সম্পৰ্কক লৈ আৰম্ভ হয় চৰ্চা ৷ কেৱল দুয়োৰে সম্পৰ্কৰ বিষয়েই নহয়, সম্প্ৰতি দুয়োৰে বিবাহৰ উৰাবাতৰিও দ্ৰুতগতিত প্ৰচাৰ হ’বলৈ ধৰিছে ৷ অৱশ্যে পৰিণীতি আৰু ৰাঘৱৰ বিয়াক লৈ চলি থকা জল্পনা-কল্পনা আৰু অধিক তীব্ৰতৰ হৈ পৰে যেতিয়া আম আদমী পাৰ্টিৰ নেতাসকলে ছ’চিয়েল মিডিয়াত দুয়োকে শুভকামনা জনায় (Parineeti Chopra reacts to wedding rumours) ।

অৱশ্যে এই সন্দৰ্ভত বৰ্তমানলৈকে পৰিণীতি চোপ্ৰা আৰু ৰাঘৱ চাড্ডাই কোনো আনুষ্ঠানিক মন্তব্য কৰা নাই ৷ যদিও পাপাৰাজীয়ে দুয়োৰে ফালৰ পৰা নিশ্চিতকৰণ তথা প্ৰতিক্ৰিয়া লাভ কৰিবলৈ চেষ্টা অব্যাহত ৰাখিছে ৷ শেহতীয়াকৈ বিবাহ সন্দৰ্ভত পৰিণীতিৰ পৰা প্ৰতিক্ৰিয়া লাভ কৰিবলৈ পাপাৰাজীয়ে চেষ্টা কৰা এটা ভিডিঅ’ সামাজিক মাধ্যমত ভাইৰেল হৈ পৰিছে (Parineeti Chopra reaction on wedding rumours) ৷

মঙলবাৰে নিশা শ্বুটিং সমাপ্ত কৰি কাটাৰৰ দোহাৰ পৰা উভতি আহিছিল পৰিণীতি। উভতি অহাৰ সময়ত মুম্বাই বিমানবন্দৰত ফটোগ্ৰাফাৰসকলে অভিনেত্ৰীগৰাকীৰ ফটো ল’বলৈ ব্যস্ত হৈ পৰে (Parineeti Chopra spotted at mumbai airport) ৷ ভিডিঅ’টোত পৰিণীতিক ক’লা পেণ্টছুটৰ সৈতে টাৰ্টেল নেক টি-চাৰ্ট পৰিধান কৰা দেখা পোৱা গৈছিল । পাপাৰাজীয়ে আগুৰি থকা পৰিণীতি লাজতে ৰঙা পৰা দেখা গ’ল ৷ ৰ’ব অৱশ্যে ব্লাচ এনেই কৰা নাই অভিনেত্ৰীগৰাকীয়ে (Parineeti chopra viral video on wedding rumours) ৷

ব্লাচ কৰাৰ আঁৰত আছে অন্য এটা কাৰণ ৷ দৰাচলতে পাপাৰাজীয়ে অভিনেত্ৰীগৰাকীক ৰাঘৱ চাড্ডাৰ বিষয়ে সোধা হৈছিল প্ৰশ্ন ৷ তাৰ পিচতেই ব্লাচ কৰা দেখা গ’ল অভিনেত্ৰীগৰাকীক ৷ পেপছৰ প্ৰশ্নত আমোদ পোৱা যেন লগা অভিনেতাগৰাকীয়ে হাঁহি হাঁহি বাহনত বহাৰ আগতে তেওঁলোকক ধন্যবাদ জনায় (Parineeti Chopra Raghav Chadha wedding rumours) ।

লগতে পঢ়ক:Parineeti Chopra: নিশ্চিত হ’ল পৰিণীতি চোপ্ৰা আৰু ৰাঘৱ চাড্ডাৰ সম্পৰ্ক ! আপৰ সাংসদে জনালে শুভেচ্ছা