চিটাৰা ডেস্ক, 24 মাৰ্চ: শেহতীয়াকৈ দেশৰ ৰাজনীতিত ব্যাপক আলোড়নৰ সৃষ্টি হৈছে । এফালে মোদী উপাধিৰ গোচৰত কংগ্ৰেছ নেতা ৰাহুল গান্ধীৰ লোকসভাৰ সদস্য পদ বাতিল কৰা হৈছে আৰু আনফালে, আম আদমী পাৰ্টিৰ যুৱ নেতা তথা পঞ্জাৱৰ ৰাজ্যসভাৰ সাংসদ ৰাঘৱ চাড্ডাৰ বলীউডৰ অভিনেত্ৰী পৰিণীতি চোপ্ৰাৰ সৈতে নাম সাঙোৰ খাইছে ৷ সম্প্ৰতি এই দুই খবৰে এতিয়া ছ’চিয়েল মিডিয়াত ব্যাপক চৰ্চা লাভ কৰিছে (Parineeti Chopra) ৷ পূৰ্বে দুয়ো একেলগে সময় অতিবাহিত কৰা দেখা পোৱা গৈছিল যদিও বৰ্তমান দুয়োৰে বিষয়ে আন এটা ডাঙৰ খবৰ পোৱা গৈছে (Raghav Chadha Roka) ৷
গোপনে বিবাহ ঠিক হৈছে নেকি ৰাঘৱ চাড্ডা আৰু পৰিণীতি চোপ্ৰাৰ ?
উল্লেখ্য যে, বিজেপি সমৰ্থক সমীত ঠাক্কাৰে পৰিণীতি চোপ্ৰা আৰু ৰাঘৱ চাড্ডাক লৈ শেহতীয়াকৈ এটা টুইট কৰিছে ৷ টুইট কৰি কেপচনত লিখিছে, "পাঞ্জাবী দম্পতীৰ বিবাহ ঠিক হোৱাৰ বাবে শুভেচ্ছা থাকিল।" লগতে সমীতে তেওঁৰ প্ৰফাইলত লিখিছে যে ভাৰত প্ৰধানমন্ত্ৰীয়ে মোদীয়ে তেওঁক টুইটাৰত ফ’ল’ কৰে । সমীত বিজেপিৰ কট্টৰ সমৰ্থক আৰু টুইটাৰত সমীতৰ লাখ লাখ ফ’ল’ৱাৰ আছে ।