৯৬ সংখ্যক অস্কাৰ দৌৰৰ পৰা বাহিৰ হ’ল মালয়ালম ছবি ২০১৮

Oscar 2024 Shortlist Films : শুকুৰবাৰে একাডেমী অৱ মোচন পিকচাৰ আৰ্টছ এণ্ড চাইন্সে ৯৬ সংখ্যক অস্কাৰৰ বাবে ছবিৰ শ্বৰ্টলিষ্ট ঘোষণা কৰে । কিন্তু এইবাৰ এখনো ভাৰতীয় ছবিয়ে স্থান লাভ নকৰিলে এই তালিকাত ।

চিটাৰা ডেস্ক, ২২ ডিচেম্বৰ : অহা বছৰৰ অস্কাৰ বঁটাৰ বাবে মুকলি কৰা হৈছে শ্বৰ্টলিষ্ট কৰা ছবিৰ তালিকা । এই তালিকাৰ পূৰ্বে ভাৰতৰ ফালৰ পৰা বিদেশী ভাষাৰ মালয়ালম ছবি ‘২০১৮’ প্ৰেৰণ কৰা হৈছিল । কিন্তু এতিয়া একাডেমী বঁটাৰ দৌৰৰ পৰা বাহিৰ হ’ল এই ছবিখন । এই খবৰ লাভ কৰাৰ পিচতে যে স্বপ্ন ভংগ হৈ যায় ভাৰতীয় অনুৰাগীৰ ।

অস্কাৰৰ দৌৰত বাহিৰ হ’ল মালয়ালম ছবি '২০১৮'

হয়, অস্কাৰৰ দৌৰৰ পৰা বাহিৰ হ’ল মালয়ালম ছবি ‘২০১৮’ । এইবাৰ ভাৰতীয় চলচ্চিত্ৰ জগতৰ কোনো ছবি শ্বৰ্টলিষ্ট হোৱা নাই । অৱশ্যে এই ছবিখনৰ কাহিনী অতি সুন্দৰ আছিল । ২০১৮ চনৰ কেৰালাৰ বানৰ ওপৰত নিৰ্মিত এইখন ছবি ৷ ছবিখন চোৱাৰ পিচতে গাৰ নোম শিয়ৰি গৈছিল অনুৰাগীৰ আৰু ছবিখনে বক্স অফিচতো ভাল ধন উপাৰ্জন কৰিছিল ।

খবৰ অনুসৰি, এই ছবিখনৰ বাজেট আছিল মাত্ৰ ১২ কোটি টকা । কিন্তু ইয়াৰ ভাল কন্টেন্টৰ বাবে ছবিখনে ১০০ কোটি টকাৰ সীমা অতিক্ৰম কৰিছিল । সেই বাবেই এইবাৰ ভাৰতৰ পৰা এই ছবিখনক অস্কাৰলৈ প্ৰেৰণ কৰা হৈছিল । কিন্তু দুৰ্ভাগ্যজনকভাৱে এই ছবিখনে অস্কাৰৰ শ্বৰ্টলিষ্টত স্থান লাভ কৰাত ব্যৰ্থ হয় ।

এই ছবিসমূহে অস্কাৰ বঁটাৰ দৌৰত স্থান লাভ কৰে

উল্লেখ্য যে, অস্কাৰৰ এই তালিকাত বাৰ্বি, অপেনহাইমাৰ আৰু কিলাৰ্ছ অৱ দ্য ফ্লাৱাৰ মুন আগবাঢ়ি আছে । এই তিনিখন ছবিয়ে স্কোৰ আৰু চাউণ্ডকে ধৰি বহু শাখাত চূড়ান্ত প্ৰতিযোগী হিচাপে প্ৰতিনিধিত্ব কৰিছে । বুম, ইভা, হিউমো (স্মোক), আই এম হিপ, এ কাইণ্ড অৱ টেষ্টামেণ্টক এনিমেটেড ছবিক শ্বৰ্টলিষ্ট কৰা হৈছে ।

কেতিয়া অনুষ্ঠিত হ’ব ৯৬ সংখ্যক অস্কাৰ ?

একে সময়তে আন্তঃৰাষ্ট্ৰীয় বৈশিষ্ট্য শাখাত Four Daughters (Tunisia), 20 Days in Mariupol (Ukraine), The Zone of Interest ধৰি বহু ছবি আছে । American Symphony, Apolonia, Apolonia, Beyond Utopia কে ধৰি বহু ছবিয়ে তথ্যচিত্ৰ বৈশিষ্ট্য শাখাত চৰ্টলিষ্ট কৰা হৈছে । ২০২৪ চনৰ ১০ মাৰ্চত অনুষ্ঠিত হ’ব ৯৬ সংখ্যক অস্কাৰ ।

লগতে পঢ়ক :Oscar ২০২৪: ২২খন ছবিক পৰাস্ত কৰি ভাৰতৰ পৰা অস্কাৰত প্ৰৱেশ মালয়ালম ছবি ‘২০১৮ এভৰিৱান ইজ এ হিৰো’