চিটাৰা ডেস্ক, 25 ফেব্ৰুৱাৰী: বলীউডৰ জনপ্ৰিয় অভিনেত্ৰী আলিয়া ভাট অভিনীত ছবি "গংগুবাই কাথিয়াৱাড়ী"য়ে আজি সম্পূৰ্ণ কৰিলে এটা বছৰ (Alia Bhatt celebrates 1 yr of Gangubai Kathiawadi) ৷ 2022 চনৰ 25 ফেব্ৰুৱাৰীত অৰ্থাৎ আজিৰ দিনটোতে মুক্তি লাভ কৰিছিল গংগুবাই কাথিয়াৱাড়ী ছবিখন ৷ ছবিখনে এবছৰ সম্পূৰ্ণ কৰাৰ উপলক্ষে আজি ইনষ্টাগ্ৰামত ছবিখনৰ পৰিচালক সঞ্জয় লীলা ভাঞ্চালীৰ সৈতে এখন ফটো পোষ্ট কৰিছে আলিয়া ভাটে । উল্লেখ্য যে, গংগুবাই কাথিয়াৱাড়ী ২০২২ বৰ্ষ এক অন্যতম সফল ছবি আছিল ।
সেয়েহে ছবিখনে আজি এটা বছৰ সম্পূৰ্ণ কৰাৰ এই মুহূৰ্তটো উদযাপন কৰা দেখা পোৱা গৈছে আলিয়া ভাটক (Alia Bhatt Film Gangubai Kathiawadi) ৷ আজি অভিনেত্ৰীগৰাকীয়ে ইনষ্টাগ্ৰামত এই উপলক্ষে সঞ্জয় লীলা ভাঞ্চালীৰ সৈতে এখন ধুনীয়া ফটো শ্বেয়াৰ কৰিছে (Filmmaker Sanjay Leela Bhansali) ৷ ফটোখন শ্বেয়াৰ কৰি কেপশ্বনত লিখিছে, আমাৰ গংগুবাই কাথিয়াৱাড়ীয়ে এবছৰ সম্পূৰ্ণ কৰিলে ৷
উল্লেখ্য যে, ফটোখনত অভিনেত্ৰী আলিয়া ভাট আৰু পৰিচালক সঞ্জয় লীলা ভাঞ্চালীক বগা সাজত দেখা পোৱা গৈছে (Alia Bhatt insta post) ৷ গংগুবাই কাথিয়াৱাড়ী ছবিখনত আলিয়া ভাটৰ সাজ পোছাক আছিল সম্পূৰ্ণ বগা ৷ তেনেকৈয়ে এই ফটোখনতো দুয়োয়ে বগা সাজ পিন্ধা পৰিলক্ষিত হৈছে ৷ আলিয়া ভাটক বগা ব্লেজাৰ আৰু সঞ্জয় লীলা ভাঞ্চালীক বগা চুটি কুৰ্তা পৰিধান কৰা দেখা পোৱা গৈছে ছবিখনত (Alia Bhatt post with Sanjay Leela Bhansali) ৷
গংগুবাই কাথিয়াৱাড়ী ছবিখনত গংগা চৰিত্ৰত অভিনয় কৰা আলিয়া ভাটৰ নিখুঁট অভিনয় আৰু সময়ৰ সৈতে তেওঁৰ ব্যক্তিত্বৰ পৰিৱৰ্তন অসামান্য ৰূপত দেখিবলৈ পোৱা গৈছিল ৷ ছবিখনত আলিয়াই এগৰাকী শক্তিশালী চৰিত্ৰৰ ভূমিকা গ্ৰহণ কৰিছিল, য’ত গংগু নামৰ এগৰাকী যৌন কৰ্মী হিচাপে ছবিখনত আলিয়াৰ বিশেষ ব্যক্তিত্বৰ প্ৰতিফলন ঘটিছিল ৷ ছবিখনত আলিয়াই কৰা নিখুঁট আৰু শক্তিশালী অভিনয়ে মন্ত্ৰমুগ্ধ কৰিছিল লাখ লাখ অনুৰাগীক ৷
লগতে পঢ়ক:HBD Sanjay Leela Bhansali: নিজৰ কেৰিয়াৰত কেনেধৰণৰ প্ৰত্যাহ্বানৰ সন্মুখীন হৈছিল ভাঞ্চালী ?
