চিটাৰা ডেস্ক, 2 ফেব্ৰুৱাৰী : প্ৰায় চল্লিশ বছৰ ধৰি ছবি জগতৰ অংশ হিচাপে দৰ্শকক মনোৰঞ্জন দি থকা আৰু নিজৰ অভিনয়ৰ বাবে একাধিকবাৰ বঁটা লাভ কৰা অনিল কাপুৰে বুধবাৰে ছ’চিয়েল মিডিয়াত তেওঁৰ কিছু পুৰণি স্মৃতি শ্বেয়াৰ কৰে । ইনষ্টাগ্ৰামত এই পুৰণি ফটোসমূহ শ্বেয়াৰ কৰি অনুৰাগীসকলক এক সুন্দৰ ট্ৰিট দিয়ে অভিনেতাজনে ।
শ্বেয়াৰ কৰা প্ৰথম ছবিখনত অনিল কাপুৰে বঁটা গ্ৰহণ কৰাৰ সময়ত নিজৰ ঘনিষ্ঠ বন্ধু অনুপম খেৰ আৰু অৰুণা ইৰাণীৰ সৈতে মঞ্চত একেলগে উপস্থিত আছিল । ‘বেটা’ ছবিখনৰ বাবে বঁটা লাভ কৰাৰ সময়ত অনিল কাপুৰ আৰু মাধুৰী দীক্ষিতৰ স্পষ্ট মুহূৰ্ত । ‘পুকৰ’, ‘তেজাব’, ‘পৰিন্দা’, ‘বেটা’ আৰু ‘ৰাম লখান’ ছবিত একেলগে অভিনয় কৰিছে মাধুৰী আৰু অনিলে । 2019 চনত ‘টোটেল ধমাল’ৰ বাবে পুনৰ একত্ৰিত হয় তেওঁলোক । ইয়াৰে এখন ছবিত তেওঁক নীতু কাপুৰৰ সৈতে দেখা গৈছে । ৰাকেশ ৰোশনৰ সৈতেও ফটো আপলোড কৰিছে অভিনেতাজনে ।
ধাৰাবাহিকভাৱে ফটো শ্বেয়াৰ কৰি অনিলে কেপছনত লিখিছে, "মই ওচৰে পাজৰে থকা 4 টা দশকত জোৱাৰ সলনি হৈছে, প্ৰতিভা সলনি হৈছে, সোৱাদ সলনি হৈছে আৰু দৰ্শক নিশ্চিতভাৱে সলনি হৈছে... সলনি নোহোৱা এটা বস্তু হ'ল কঠোৰ পৰিশ্ৰম, অধ্যৱসায় আৰু দৃঢ়বিশ্বাসৰ গুণ আৰু সেইয়াই পুৰষ্কাৰ হিচাপে যথেষ্ট.. কিন্তু কেইটামান বঁটাৰ কোনো ক্ষতি নহয়" ৷