চিটাৰা ডেস্ক, 26 অক্টোবৰ :জীৱনৰ আৰু এটা বছৰ সম্পূৰ্ণ কৰিলেবলীউডৰ অভিনেত্ৰী ৰবীনা টেণ্ডনে (Raveena Tandons birthday) । দীপাৱলীৰ বতৰতে অভিনেত্ৰী গৰাকীয়ে 48 সংখ্যক জন্মদিন উদযাপন কৰে যাৰ বাবে থাদানীৰ ঘৰত উদযাপন দুগুণে বৃদ্ধি পায় (Raveena Tandons age)। জন্মদিনটো বিশেষ কৰি ৰবীনাৰ কন্যা ৰাশা থাদানীয়ে ছ’চিয়েল মিডিয়াত মাতৃৰ পুৰণি ফটো শ্বেয়াৰ কৰি এটা শুভবাৰ্তা লিখে ।
ৰাশাই ইনষ্টাগ্ৰাম ষ্ট’ৰীত ৰবীনাৰ এখন পুৰণি ফটো শ্বেয়াৰ কৰি লিখিছে, "শুভ জন্মদিন মা । সদায় ভাল পাওঁ তোমাক"। ৰবীনাৰ কন্যাই প্ৰায়ে ইনষ্টাগ্ৰামত তেওঁৰ সৈতে ছবি শ্বেয়াৰ কৰে । ৰাশাৰ ইনষ্টাগ্ৰামত 250 K তকৈ অধিক ফ’ল’ৱাৰ আছে ।
2004 চনত অনিল থাদানীৰ সৈতে বিয়া হোৱা ৰবীনাৰ আছে দুটাকৈ সন্তান ৰাশা আৰু ৰণবীৰ । বিয়াৰ আগতে 1995 চনত ৰবীনাই মাত্ৰ 21 বছৰ বয়সতে দুগৰাকী ছোৱালী পূজা আৰু ছায়াক তুলি লৈছিল । দুয়ো গৰাকীয়েই এতিয়া বিবাহিত আৰু তেওঁলোকৰ নিজৰ সন্তান আছে ।
90ৰ দশকৰ সফল অভিনেত্ৰী গৰাকীয়ে ৱেব ছিৰিজ আৰণ্যকৰ জৰিয়তে অ’টিটিত আত্মপ্ৰকাশ কৰে । কস্তুৰী ডোগৰাৰ নিৰৱ চৰিত্ৰত অভিনয় কৰা ৰবীনাক সমালোচক আৰু দৰ্শকে বিপুল শলাগ লৈছিল ।