চিটাৰা ডেস্ক, 2 অক্টোবৰ: আজি বলীউডৰ কিং খান অৰ্থাৎ শ্বাহৰুখ খানৰ জন্মদিন ৷ আজি অভিনেতাগৰাকীয়ে উদযাপন কৰিছে নিজৰ ৫৮ সংখ্যক জন্মদিন । নিজৰ ৰোমান্টিক শৈলীৰে সমগ্ৰ বিশ্বতে কিং খানে কোটি কোটি অনুৰাগীৰ হৃদয় জয় কৰিছে ৷ সেয়েহে, অভিনেতাগৰাকীৰ জন্মদিন অনুৰাগীৰ বাবে কোনো উৎসৱতকৈ কম নহয় । প্ৰতিবাৰৰ দৰেই এইবাৰো বলিউডৰ বাদশ্বাহৰ হাজাৰ হাজাৰ অনুৰাগীয়ে মন্নতৰ বাহিৰত সমবেত হয় ৷ কিং খানক এবাৰ চাবলৈ আৰু জন্মদিনৰ শুভেচ্ছা জনাবলৈ মন্নতৰ বাহিৰত ভিৰ কৰেহি হাজাৰ হাজাৰ অনুৰাগীয়ে । ইফালে অনুৰাগীৰ মৰমৰ প্ৰতি সঁহাৰি জনাই কিং খানেও অনুৰাগীক দিয়ে চাৰপ্ৰাইজ ৷ দৰাচলতে কিং খানে মাজনিশা নিজৰ ঘৰৰ বেলকনিত উপস্থিত হৈ অনুৰাগীক চাৰপ্ৰাইজ দিয়ে আৰু লগতে তেওঁৰ জন্মদিনৰ শুভেচ্ছা জনাবলৈ দূৰ-দূৰণিৰ পৰা অহা অনুৰাগীসকলক বিশেষভাৱে ধন্যবাদ জনায় ।
মাজনিশা অনুৰাগীক দিলে চাৰপ্ৰাইজ
ছ’চিয়েল মিডিয়াত ভাইৰেল হোৱা এটা ভিডিঅ’ত মন্নতৰ গেটৰ বাহিৰত অনুৰাগীৰ ভিৰ দেখা গৈছে । এই সময়চোৱাত একাংশ অনুৰাগীয়ে নিজৰ ফোনেৰে ছবি আৰু ভিডিঅ’ লোৱা দেখা গৈছিল, আনহাতে একাংশই হাতত কিং খানৰ পোষ্টাৰ লৈ থকা দেখা গৈছিল । এনে কিছু অনুৰাগীও আছিল যিয়ে কিং খানৰ জন্মদিন উদযাপনৰ বাবে মন্নতৰ বাহিৰত আতচবাজীও কৰিছিল । সেয়েহে, অনুৰাগীৰ মৰমৰ প্ৰতি সঁহাৰি জনাই মাজনিশা শ্বাহৰুখ খানে তেওঁৰ বেলকনিত উপস্থিত হয় । কিং খানক দেখাৰ লগে লগে আনন্দত চিঞৰিবলৈ ধৰে অনুৰাগী । এই সময়চোৱাত শ্বাহৰুখ খানক ক’লা টুপীৰ সৈতে ক’লা টি-চাৰ্ট পৰিধান কৰা দেখা গৈছিল ৷ বেলকনিত কিং খানে অনুৰাগীক অভিবাদন জনাই । লগতে তেওঁ বাহু মেলি নিজৰ চিগনেচাৰ প’জটো কৰি অনুৰাগীক আপ্লুত কৰি তোলে ।
শ্বাহৰুখে ইংগিতেৰে অনুৰাগীক ক’লে হৃদয়স্পৰ্শী কথা