চিটাৰা ডেস্ক, 11 আগষ্ট:মুক্তিৰ পূৰ্বেই বহু বাধাৰ সন্মুখীন হোৱা অক্ষয় কুমাৰৰ ছবি ‘Oh My God-2’ অৱশেষত মুক্তি লাভ কৰিলে ছবিগৃহত । মুক্তিৰ পিচত এতিয়া বক্স অফিচত ছানী দেওলৰ একচন ড্ৰামা ছবি ‘গদৰ ২’ৰ সৈতেও সন্মুখীন হ’বলগীয়া হৈছে অক্ষয়ৰ ছবিখনে ।
অক্ষয় কুমাৰ আৰু পংকজ ত্ৰিপাঠীৰ অভিনীত সামাজিক নাটক ছবিখনৰ টিজাৰ মুক্তিৰ পিছৰে পৰা বহু বিতৰ্কৰ সন্মুখীন হৈছিল । কিন্তু চেন্সৰ ব’ৰ্ডে ছবিখনত কিছু সাল সলনি কৰি এ চাৰ্টিফিকেট প্ৰদান কৰে ছবিখনক । কেৱল এয়াই নহয়, উজ্জয়নৰ মহাকাল মন্দিৰৰ পুৰোহিতসকলৰ বিৰোধিতাৰ সন্মুখীন হ’বলগীয়া হৈছিল ছবিখন ।
এতিয়া এই ছবিখন ১১ আগষ্টত ছবিগৃহত মুক্তি দিয়া হৈছে ৷ এতিয়া এই ছবিখনৰ ভাল বেয়া নিৰ্ধাৰণ কৰিব দৰ্শকে ৷ অক্ষয় কুমাৰৰ ছবিখন টুইটাৰ ৰিভিউ জানি লওক ইয়াত ।
দৰ্শকৰ কেনেকুৱা লাগিল অক্ষয় কুমাৰৰ OMG 2 ?
২০১২ চনত মুক্তি পোৱা অক্ষয় কুমাৰ আৰু পৰেশ ৰাৱালেৰ অভিনীত ছবি ‘অ’ মাই গড’ই দৰ্শকে যথেষ্ট পছন্দ কৰিছিল । এই ছবিখনৰ পিচত এতিয়া OMG 2 ৰ জৰিয়তে মেকাৰে ‘এডাল্ট এডুকেচন’ৰ দৰে এটা গুৰুতৰ বিষয়ক উপস্থাপন কৰিছে ৷ ছবিখনত পংকজ ত্ৰিপাঠীয়ে মহাদেৱৰ ভক্তৰ চৰিত্ৰত অভিনয় কৰাৰ বিপৰীতে ছবিখনত অক্ষয় কুমাৰে ‘শিৱৰ দূত’ৰ চৰিত্ৰত অভিনয় কৰিছে ।