চিটাৰা ডেস্ক, 3 জুন: শুকুৰবাৰে সন্ধিয়া (২ জুন) ওড়িশাৰ বালাছ’ৰত তিনিখন ৰে’লৰ সংঘৰ্ষত এতিয়ালৈকে ২৬১ জন লোকৰ মৃত্যুৰ তথ্য পোহৰলৈ আহিছে । একে সময়তে এই দুৰ্ঘটনাত আহত লোকৰ সংখ্যা ৯০০ৰো অধিক বুলি কোৱা হৈছে (Odisha Train Tragedy)। ৰে’লখনত আৱদ্ধ হৈ থকা লোকসকলৰ উদ্ধাৰৰ কাম এতিয়াও অব্যাহত আছে ।
এই ভয়াৱহ দুৰ্ঘটনাক লৈ সমগ্ৰ দেশতে স্তম্ভিত পৰিৱেশৰ সৃষ্টি হৈছে আৰু এদিন ৰাজ্যিক শোক পালন কৰা হৈছে । ইয়াত চলচ্চিত্ৰ জগতৰ তাৰকাসকলো এই ভয়ংকৰ দুৰ্ঘটনাত স্তম্ভিত হৈ পৰিছে আৰু অকালতে প্ৰাণ হেৰুওৱা সকলৰ পৰিয়াললৈ সমবেদনা জ্ঞাপন কৰিছে (Coromandel Express train tragedy )।
ইয়াৰ মাজতে বলীউডৰ তাৰকা ছলমান খান, চাউথ ছুপাৰষ্টাৰ চিৰঞ্জীৱী আৰু অস্কাৰ বিজয়ী ছবি ‘আৰ আৰ আৰ’ৰ তাৰকা জুনিয়ৰ এন টি আৰকে ধৰি বহু তাৰকা এই দুৰ্ঘটনাত স্তম্ভিত হৈ পৰিছে আৰু এই দুৰ্ঘটনাত মৃত্যু হোৱা যাত্ৰীসকলৰ পৰিয়াললৈ সমবেদনা জ্ঞাপন কৰিছে (odisha train accident how it happened)।
ছলমান খান
ওড়িশাৰ ৰে’ল দুৰ্ঘটনাক লৈ শোক প্ৰকাশ কৰি ছলমান খানে লিখিছে, ‘এই দুৰ্ঘটনাটোৰ বিষয়ে জানি মই স্তম্ভিত হৈছো, এই দুৰ্ঘটনাত প্ৰাণ হেৰুওৱা সকলৰ আত্মাই শান্তি লাভ কৰক, এই দুৰ্ঘটনাত মৃত্যু হোৱা সকলৰ পৰিয়াললৈ মোৰ সমবেদনা ৷
চিৰঞ্জীৱী
মেগাষ্টাৰ চিৰঞ্জীৱীয়ে ওড়িশাৰ ৰে’ল দুৰ্ঘটনাক শোক প্ৰকাশ কৰি লিখিছে, ‘মই ভিতৰৰ পৰা সম্পূৰ্ণৰূপে স্তম্ভিত হৈছো, এই দুৰ্ঘটনাই বহু লোকৰ প্ৰাণ কাঢ়িছে, মৃত্যু হোৱা সকলৰ পৰিয়াললৈ মোৰ সমবেদনা, মই বুজিছোঁ, এই সময়ত কিমান ৰক্তৰ প্ৰয়োজন হৈছে, মোৰ সকলো অনুৰাগীক আহ্বান জনাইছো যে এই দুখৰ সময়ত আপোনালোকে তেওঁলোকক সহায়ৰ বাবে আগবাঢ়ি যাব ।
জুনিয়ৰ এন টি আৰ
এই দুৰ্ঘটনা সন্দৰ্ভত ‘আৰ আৰ আৰ’ৰ তাৰকা জুনিয়ৰ এন টি আৰে লিখিছে, ‘এই দুৰ্ঘটনাত মৃত্যু হোৱাসকলৰ পৰিয়াললৈ মোৰ সমবেদনা, এই দুখজনক সময়ত নিজৰ আপোনজনক হেৰুৱাই পেলোৱা সকলোকে ভগৱানে সাহস দিয়ক’।
কিৰণ খেৰ
একে সময়তে বিজেপি নেতা তথা চলচ্চিত্ৰ অভিনেত্ৰী কিৰণ খেৰে লিখিছে, ‘এই দুৰ্ঘটনাটোৰ বিষয়ে জানি মই স্তম্ভিত হৈছো, মোৰ প্ৰাৰ্থনা এই ভয়ংকৰ দুৰ্ঘটনাত আপোনজনক হেৰুৱাই পেলোৱা সকলো পৰিয়ালৰ সৈতে, আহতসকলৰ আশু আৰোগ্যৰ বাবে প্ৰাৰ্থনা কৰিছো ।
সমান্তৰালকৈ, চলচ্চিত্ৰ জগতৰ সৈতে জড়িত বিভিন্ন তাৰকা যেনে বৰুণ ধাৱন, ৰাকুল প্ৰীত, প্ৰিয়া আনন্দ, অক্ষয় কুমাৰ, অজয় দেৱগণ, শিল্পা শ্বেট্টীয়েও ছ’চিয়েল মিডিয়াযোগে সমবেদনা জ্ঞাপন কৰে ৷
ওড়িশা ৰে’ল দুৰ্ঘটনা সন্দৰ্ভত কি ক’লে এইসকল তাৰকাই
ওড়িশা ৰে’ল দুৰ্ঘটনা সন্দৰ্ভত কি ক’লে এইসকল তাৰকাই
ওড়িশা ৰে’ল দুৰ্ঘটনা সন্দৰ্ভত কি ক’লে এইসকল তাৰকাই
ওড়িশা ৰে’ল দুৰ্ঘটনা সন্দৰ্ভত কি ক’লে এইসকল তাৰকাই
লগতে পঢ়ক:Amitabh-Jaya 50th Marriage Anniversary: জয়াৰ বিবাহৰ সিদ্ধান্তকলৈ সুখী নাছিল পিতৃ, মান্তি কৰাবলৈ বিগ বিয়ে কৰিছিল এই কাম