Nysa Devgan : বন্ধুৰ সৈতে উটত উঠি ৰাজস্থানৰ প্ৰাকৃতিক সৌন্দৰ্য উপভোগ কৰিলে অজয়ৰ কন্যা নাইছা দেৱগণে

কাজল-অজয় দেৱগণৰ কন্যা নাইছা দেৱগণক বন্ধু-বান্ধৱীৰ সৈতে এইবাৰ ৰাজস্থানত দেখা গ’ল (Nysa Devgan In Rajasthan) ৷ উটত উঠি ৰাজস্থানৰ প্ৰাকৃতিক সৌন্দৰ্য উপভোগ কৰিলে নাইছাই ৷ চাওক ফটো . . .

চিটাৰা ডেস্ক, 7 এপ্ৰিল: বলীউডৰ সিংঘম অজয় ​​দেৱগণ আৰু কাজলৰ কন্যা নাইছা দেৱগণক প্ৰায়ে দেখা পোৱা যায় বন্ধুবৰ্গৰ সৈতে ৷ প্ৰায়ে নিজৰ বন্ধুবৰ্গৰ সৈতে বিভিন্ন স্থানত ভ্ৰমণ কৰে অভিনেত্ৰীগৰাকী ৷ বিশেষকৈ নাইছাৰ অতিকৈ ঘনিষ্ট বন্ধু অৰহান অৱত্ৰামণিৰ সৈতে প্ৰায়ে সময় অতিবাহিত কৰে কাজলৰ কন্যা নাইছাই ৷ এইবাৰ অৰহান আৰু অন্য বন্ধুবৰ্গৰ সৈতে অজয়ৰ কন্যা ৰাজস্থানত ৰাজকীয় ছুটীত ৰাওনা হৈছে (Nysa Devgan In Rajasthan) ৷

বন্ধু-বান্ধৱীৰ সৈতে সময় অতিবাহিত কৰিবলৈ ৰাজস্থানত গৈছে নাইছা ৷ অৰহান অৱত্ৰামণিৰ লগতে আন বন্ধু-বান্ধৱীৰ সৈতে সময় অতিবাহিত কৰা কিছুমান ছবি সম্প্ৰতি ছ‘চিয়েল মিডিয়াত ভাইৰেল হৈ পৰিছে (Nysa Devgan with Orhan Awatramani) ৷

এইখিনিতে উল্লেখ কৰিব লাগিব যে, নাইছাই বৰ্তমানো নিজৰ ইনষ্টাগ্ৰাম একাউন্ট ৰাজহুৱা কৰা নাই যদিও ছ’চিয়েল মিডিয়াত তেওঁৰ উপস্থিতি প্ৰায়ে ঘনিষ্ঠ বন্ধু অৰহান অৱত্ৰামণিৰ সৌজন্যত দেখিবলৈ পোৱা যায় । শুকুৰবাৰে অৰহান ওৰফে অৰীয়ে ছ’চিয়েল মিডিয়াত জয়ছালমেৰৰ পৰা ধাৰাবাহিকভাৱে ছবি শ্বেয়াৰ কৰে, য’ত নাইছা আৰু নাইছাৰ কথিত প্ৰেমিক বেদান্তৰ সৈতে বন্ধুৰ দল এটা আছে (Orhan Awatramani) ৷

অৰীয়ে শ্বেয়াৰ এই ফটোসমূহত এখন ফটোত নাইছাক অৰীৰ সৈতে উটত উঠি থকা দেখা গৈছে । আন এখন ফটোত বন্ধুবৰ্গৰ সৈতে নিশাৰ আহাৰ গ্ৰহণ কৰি থকা সময়ত কেমেৰাত প’জ দিয়া দেখা যায় ৷ বন্ধুবৰ্গৰ এখন ফটোত থিয় হৈ প’জ দিয়া দেখা যায় নাইছাক ৷ বগা ফ্লৰেল প্লাংগিং নেকলাইন সাজত নাইছাক অতি সুন্দৰ দেখা পোৱা গৈছিল (Nysa Devgan in Suryagarh)।

নাইছাৰ লুকটো ষ্টাইলিছ গোলাপী ৰঙৰ জোতাৰ সৈতে সম্পূৰ্ণ কৰিছিল ৷ আনহাতে, অৰহানক নীলা ৰঙৰ সাজ পৰিধান কৰা দেখা পোৱা যায় । ইয়াৰ সমান্তৰালকৈ অৰীয়ে সূৰ্যগড় পেলেছ আৰু ৰাজস্থানৰ সুন্দৰ ছবিও শ্বেয়াৰ কৰে । ছবিবোৰ শ্বেয়াৰ কৰি অৰহানে লিখিছে," My mind pretty plz, Suryagarh Palace Jaisalmer।" পোষ্টটো শ্বেয়াৰ হোৱাৰ লগে লগে অনুৰাগীসকলে অৰীৰ পোষ্টটোত লাইক আৰু কমেণ্টে কৰা দেখা যায় (Nysa Devgan in Jaisalmer)। শেহতীয়াকৈ নাইছাই মাতৃ কাজলৰ সৈতে ফটোশ্বুটটো কৰিছিল, য’ত মাতৃ-কন্যা দুয়োকে অতি সুন্দৰ দেখা গৈছিল ৷

লগতে পঢ়ক:kajol Nysa Devgan: গ্লেমাৰাছ লুকত মাতৃ কন্যা, চাওক কাজল আৰু নাইছাৰ ফটো