চিটাৰা ডেস্ক, 2 এপ্ৰিল: নীতা মুকেশ আম্বানী সাংস্কৃতিক অনুষ্ঠানৰ দ্বিতীয় দিনাৰ অনুষ্ঠানত উপস্থিত হয় হলিউড আৰু বলীউডৰ বহু জনপ্ৰিয় চেলিব্ৰিটি । বি-টাউনৰ চেলিব্ৰিটিসকলে অনুষ্ঠানটোত নৃত্য প্ৰদৰ্শন কৰি সকলোৰে প্ৰসংশা লাভ কৰিবলৈ সক্ষম হয় ৷ ইফালে এই অনুষ্ঠানটোৰ পৰা অভিনেতা বৰুণ ধাৱন, ৰণবীৰ সিঙৰ লগতে বলীউডৰ ছুপাৰষ্টাৰ শ্বাহৰুখ খানৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে ৷ ভিডিঅ’টোত দেখা পোৱা অনুসৰি বৰুণ ধাৱন, ৰণবীৰ সিং আৰু শ্বাহৰুখ খানৰ পাৱাৰফুল পাৰফৰমেনচে মোহিত কৰে উপস্থিত থকা প্ৰত্যেকগৰাকী দৰ্শকক (Shah Rukh Khan Ranveer Singh Varun Dhawan)।
NMACC গালাৰ মিউজিকেল ইভেণ্টৰ পৰা এটা ভিডিঅ’ শেহতীয়াকৈ ছ’চিয়েল মিডিয়াত দ্ৰুতগতিত ভাইৰেল হৈ পৰিছে ৷ ভিডিঅ’টোত শ্বাহৰুখ খানৰ ব্লকবাষ্টাৰ ছবি ‘পাঠান’ৰ চাৰ্টবাষ্টাৰ গীত ‘ঝুমে জো পাঠান’ত নৃত্য পৰিৱেশন কৰে শ্বাহৰুখ খানে ৷ বলীউডৰ ছুপাৰষ্টাৰগৰাকীয়ে নিজৰ শক্তিশালী নৃত্যৰে দৰ্শকৰ হৃদয় জয় কৰিবলৈ সক্ষম হয় (Shah Rukh Khan dance Jhoome jo Pathaan at NMACC) । একে সময়তে মঞ্চত পাঠান তাৰকাগৰাকীৰ সৈতে যুৱ তাৰকা ৰণবীৰ সিং আৰু বৰুণ ধৱনেও নৃত্য পৰিৱেশন কৰা দেখা যায় ৷ এই ভিডিঅ’ সম্প্ৰতি ছ’চিয়েল মিডিয়াত দ্ৰুতগতিত ভাইৰেল হৈ পৰিছে (Jhoome jo Pathaan song) ৷
সামাজিক মাধ্যম ব্যৱহাৰকাৰীসকলৰ মতামত
ছুপাৰষ্টাৰগৰাকীৰ ভিডিঅ’টো শ্বেয়াৰ কৰি শ্বাহৰুখ খানৰ এগৰাকী অনুৰাগী পেজে কেপচনত লিখিছে, ‘ঝুম জো পাঠানত সম্পূৰ্ণ শক্তিৰে নৃত্য পৰিৱেশন কৰা শ্বাহৰুখ খানে মোৰ নিশাটোক অতিশয় কল্পনাতীত কৰি তুলিলে ।’ একে সময়তে আন এগৰাকী অনুৰাগীয়ে লিখিছে, ‘পাঠানে নিজৰ উপস্থিতিৰে মঞ্চত জুই লগাই দিয়ে ।’ এছ আৰ কেৰ ভাইৰেল ভিডিঅ’টো শ্বেয়াৰ কৰি আন এজন ইউজাৰে লিখিছে, ‘ঝুম পাঠানত শ্বাহৰুখ খানৰ নৃত্য । আমাৰ পাঠান সকলোতে নিজৰ শাসন চলাই আছে ৷ সঁচাকৈয়ে আটাইতকৈ ডাঙৰ ছবি তাৰকাজন হৈছে কিং খান ।