চিটাৰা ডেস্ক, 31 আগষ্ট: দক্ষিণৰ লেডী ছুপাৰষ্টাৰ বুলি অভিহিত অভিনেত্ৰী নয়নতৰাই নিজৰ ছবি ‘জৱান’ৰ ট্ৰেইলাৰ মুকলিৰ লগতে অনুৰাগীক দিছে এটা ডাঙৰ উপহাৰ ৷ ছ’চিয়েল মিডিয়াৰ পৰা আঁতৰি থকা অভিনেত্ৰী নয়নতৰাই শেহতীয়াকৈ ইনষ্টাগ্ৰামত খুলিছে নিজৰ একাউন্ট ৷
ইনষ্টাগ্ৰামত আত্মপ্ৰকাশ নয়নতৰাৰ
আজি শ্বাহৰুখ খান আৰু নয়নতৰাৰ অভিনীত ছবি ‘জৱান’ৰ ট্ৰেইলাৰ মুকলি হৈছে ৷ ছবিখনৰ ট্ৰেইলাৰ মুক্তি পোৱাৰ লগতে ইনষ্টাগ্ৰামত আত্মপ্ৰকাশ কৰিছে দক্ষিণ ছবিজগতৰ শীৰ্ষ অভিনেত্ৰী নয়নতৰাই। যমজ সন্তান উয়িৰ ৰুদ্ৰনিল এন শিৱন আৰু উলগম দৈৱিক এন শিৱনৰ সৈতে ইনষ্টাগ্ৰামত প্ৰথমটো ভিডিঅ’ পোষ্ট কৰিছে, যিটো তেওঁৰ ইনষ্টাগ্ৰামৰ প্ৰথমটো ভিডিঅ’। অৰ্থাৎ নয়নতৰাৰ লগতে এয়াও তেওঁৰ সন্তানৰো ইনষ্টা ডেবিউ । ভিডিঅ’টোৰ কেপচনত নয়নতৰাই লিখিছে, "তেওঁলোকক কৈ দিয়া মই আহিছো।"
প্ৰথমটো ভিডিঅ’ৰ পিচত নয়নতৰাই দ্বিতীয়টো পোষ্ট শ্বেয়াৰ কৰিছে ৷ অৱশ্যে সেয়া আছিল ‘জৱান’ৰ ট্ৰেইলাৰৰ ভিডিঅ’।
শ্বাহৰুখৰ সৈতে ৰোমাঞ্চ কৰিব নয়নতৰাই
‘জৱান’ নয়নতৰাৰ প্ৰথমখন হিন্দী ছবি । শ্বাহৰুখ খানৰ সৈতে তেওঁৰ যুটিটো প্ৰথমবাৰৰ বাবে ৰূপালী পৰ্দাত দেখা যাব । এই একচন ভৰ্তি চিনেমাখনত নয়ন্তৰা আৰু শ্বাহৰুখ খানৰ কেমেষ্ট্ৰী দেখা পোৱা গৈছে ‘চালেয়া’ আৰু ‘ৰামায়া বাস্তাৱায়া’ গীত দুটিত ৷ একে সময়তে তেওঁলোকৰ ৰোমান্স দেখা পোৱা যাব ছবিখন। পৰিচালক এটলী কুমাৰৰ সৈতে শ্বাহৰুখ খানৰ প্ৰথমখন চিনেমা হৈছে ‘জৱান’। এই চিনেমাৰ জৰিয়তে বলীউডত আত্মপ্ৰকাশ কৰিব এটলী কুমাৰে ।
মন কৰিবলগীয়া যে ২০২২ চনৰ অক্টোবৰ মাহত নয়নতৰা আৰু ভিগনেশ শিৱনে যমজ সন্তানৰ পিতৃ-মাতৃ হোৱাৰ ভাল খবৰটো অনুৰাগীৰ সৈতে শ্বেয়াৰ কৰিছিল । চেৰ’গেচিৰ জৰিয়তে উয়িৰ আৰু উলাগামৰ পিতৃ-মাতৃ হৈছিল ।
লগতে পঢ়ক:Jawan Trailer: কিং খানৰ অনুৰাগীৰ বাবে সুখবৰ ! অৱশেষত মুকলি হ’ল জৱানৰ বহু প্ৰত্যাশিত ট্ৰেইলাৰ
লগতে পঢ়ক:Jawan pre-release event LIVE updates: জৱানৰ প্ৰি-ৰিলিজ ইভেণ্টৰ বাবে চেন্নাইত উপস্থিত কিং খান, অনুৰাগীয়ে কিং খানক জনালে উষ্ম আদৰণি
