Naseeruddin Shah Birthday: পৰিয়াল পাকিস্তানত, নাছিৰুদ্দিন ভাৰতত, জানক নাছিৰুদ্দিনৰ জীৱনৰ কিছুমান নজনা কথা

আজি অভিনেতা নাছিৰুদ্দিন শ্বাহৰ জন্মদিন ৷ অভিনেতাগৰাকীৰ জন্মদিনত জানো আহক তেওঁৰ বিষয়ে বহু নজনা কথা ৷

চিটাৰা ডেস্ক, 20 জুলাই: উত্তৰ প্ৰদেশৰ ৰাজধানী লক্ষ্ণৌৰ গাতে লাগি থকা বাৰাবাংকি জিলাত ১৯৫০ চনৰ ২০ জুলাইত জন্মগ্ৰহণ কৰা নাছিৰুদ্দিন শ্বাহ বৰ্তমান কোনো পৰিচয়ৰ ওপৰত নিৰ্ভৰশীল নহয় । অৱশ্যে এই পৰিচয় পাবলৈ তেওঁ যথেষ্ট সংগ্ৰাম কৰিছিল ৷ জন্মদিনৰ বিশেষ ক্ষণত আমি আপোনাক তেওঁৰ জীৱনৰ কেইটামান অজ্ঞাত পৃষ্ঠাৰ সৈতে পৰিচয় কৰাই দিব বিচাৰিছো ।

পৰিয়ালৰ বাবেই পাকিস্তানলৈ যোৱা নাছিল নাছিৰুদ্দিন

আপুনি জানি আচৰিত হ’ব যে নিজৰ মন্তব্যৰে প্ৰায় ছ’চিয়েল মিডিয়াত খলকনি তোলা নাছিৰুদ্দিনে পৰিয়ালৰ বাবেই ভাৰতত থাকিবলগীয়া হৈছিল । তেওঁৰ পিতৃ মহম্মদ শ্বাহ আছিল তহচিলদাৰ। দেশ বিভাজন হোৱাৰ সময়ত গোটেই পৰিয়ালটোৱে পাকিস্তানলৈ যাবলৈ সন্মত হৈছিল যদিও মহম্মদ শ্বাহে ভাৰত এৰি যাবলৈ স্পষ্টভাৱে অস্বীকাৰ কৰিছিল । নাছিৰুদ্দিনে প্ৰথমে আজমেৰৰ ছেইণ্ট এন্সেলম স্কুলত অধ্যয়ন কৰিছিল, তাৰ পিচত তেওঁক নাইনিতালৰ ছেইণ্ট জোচেফ কলেজলৈ পঠিওৱা হৈছিল । একে সময়তে তেওঁ আলিগড় মুছলিম বিশ্ববিদ্যালয়ৰ পৰা স্নাতক ডিগ্ৰীও কৰিছিল ।

পঢ়া-শুনা কৰি থাকোঁতেই প্ৰেমত পৰিছিল নাছিৰুদ্দিন

নাছিৰুদ্দিন শ্বাহে ১৯ বছৰ বয়সতহে প্ৰথম বিবাহ কৰিছিল । আলিগড় মুছলিম বিশ্ববিদ্যালয়ত তেওঁৰ লগত অধ্যয়ন কৰা ৩৪ বছৰীয়া পাকিস্তানী যুৱতী পাৰবীনক তেওঁৰ জীৱন সংগী বনাই লৈছিল ৷ বিয়াৰ মাত্ৰ ১০ মাহৰ পিচতে পাৰবীনে কন্যা হিবাক জন্ম দিয়ে । অৱশ্যে এই সম্পৰ্ক বেছি দিন নচলিল আৰু কন্যা সন্তানটিৰ সৈতে ভাৰত এৰি গুচি যায় পাৰবীন ৷ ইয়াৰ পিচত ৰত্ন পাঠকে নাছিৰুদ্দিন শ্বাহৰ জীৱনত প্ৰৱেশ কৰে ।

পিতৃৰ বিৰুদ্ধে গৈ আৰম্ভ কৰিছিল অভিনয় জীৱন

নাছিৰুদ্দিনৰ পিতৃয়ে পুত্ৰই ছবিত কাম কৰাটো নিবিচাৰিছিল যদিও অভিনয়ৰ প্ৰতি আকৰ্ষিত নাছিৰেও তেওঁৰ বিৰুদ্ধে বিদ্ৰোহ কৰিছিল । এন এছ ডিত নামভৰ্তি কৰি অভিনয়ৰ কৌশল শিকে অভিনেতাগৰাকীয়ে । কিন্তু স্বাভাৱিক উচ্চতাৰ বাবে তেওঁ বাৰে বাৰে প্ৰত্যাখ্যানৰ সন্মুখীন হ’বলগীয়া হৈছিল । এবাৰ তেওঁ চলচ্চিত্ৰ নিৰ্মাতা শ্যাম বেনেগালক লগ পাইছিল আৰু তাৰ পিচত নাছিৰুদ্দিন শ্বাহৰ অভিনয় যাত্ৰা আৰম্ভ হৈছিল ।

নিজৰ মন্তব্যৰ বাবে প্ৰায়ে ছ’চিয়েল মিডিয়াৰ শিৰোনাম দখল কৰে

অভিনয়ৰ পৰা পোৱা প্ৰশংসাতকৈ নাছিৰুদ্দিন শ্বাহে তেওঁৰ মন্তব্যৰ বাবেহে অধিক শিৰোনাম লাভ কৰিছিল । যেতিয়া দেশত CAA-NRC সন্দৰ্ভত বিতৰ্ক চলি আছিল, সেই সময়ত নাছিৰুদ্দিন শ্বাহে কৈছিল, ‘‘মোৰ হাতত কোনো জন্মৰ প্ৰমাণ পত্ৰ নাই। এই বয়সত জন্মৰ প্ৰমাণ পত্ৰ ক’ৰ পৰা বিচাৰিম ?’’ একে সময়তে এবাৰ তেওঁ মোগলক প্ৰশংসা কৰি সমালোচনাৰ সন্মুখীন হৈছিল ৷ লাভ জেহাদক প্ৰহসন বুলি কোৱা কথাক লৈ তীব্ৰ বিতৰ্কৰ সৃষ্টি হৈছিল । ইয়াৰ বাহিৰেও তেওঁ হৰিদ্বাৰত অনুষ্ঠিত ধৰ্ম সন্থাৰ সময়ত কৈছিল যে ২০ কোটি লোকে ঠিক তেনেকৈয়ে হাৰ নামানিব। এই বক্তব্যৰ বাবেও তেওঁক বহু সমালোচনা সন্মুখীন হৈছিল ৷ লগতে বুলণ্ডশ্বহৰ হিংসা সন্দৰ্ভত দিয়া বক্তব্যৰ বাবে তেওঁ ট্ৰ’লৰ সন্মুখীন হ’ব লগা হৈছিল ৷

লগতে পঢ়ক:Watch: যোগী জীয়ে মোক ২০২৪ ৰ নিৰ্বাচনত প্ৰতিদ্বন্দিতা কৰিবলৈ দিয়ক, আমি ঘৰে ঘৰে বিলাহী বিতৰণ কৰিম- যোগীক ৰাখী সাৱন্তৰ আহ্বান