চিটাৰা ডেস্ক, 15 ফেব্ৰুৱাৰী : ভেলেণ্টাইন ডে’ শেষ হৈ গ’ল আৰু এতিয়া দেখিবলৈ পোৱা গৈছে চলচ্চিত্ৰ জগতৰ তাৰকা সকলৰ বিশেষ দিনটো উদযাপনৰ আকৰ্ষণীয় ফটো । নিজৰ আপোনজনৰ সৈতে প্ৰেমৰ দিনটো উদযাপন কৰাৰ পিচত চেলেব্ৰিটীসকলে তেওঁলোকৰ ভেলেণ্টাইন ডে’ উদযাপনৰ ফটো আৰু ভিডিঅ’ শ্বেয়াৰ কৰি আহিছে । বুধবাৰে ছ’চিয়েল মিডিয়াত প্ৰিয়ংকা চোপ্ৰা আৰু তেওঁৰ স্বামী তথা আমেৰিকান গায়ক নিক জোনাছে আপলোড কৰিলে কিছু মনোমোহা ফটো আৰু ভিডিঅ’ (celebrity valentines day wishesh) ।
প্ৰিয়ংকা আৰু নিকক অনুৰাগীয়ে মৰমেৰে NickYanka বুলি অভিহিত কৰে ৷ দুই তাৰকাই তেওঁলোকৰ ছ’চিয়েল মিডিয়াত ইজনে সিজনৰ বাবে প্ৰেমেৰে ভৰা বাৰ্তা শ্বেয়াৰ কৰিছিল । তেওঁলোকৰ ভেলেণ্টাইন ডে’ উদযাপনৰ পোষ্ট চাই এনে অনুমান হয় যেন দম্পতীহালে দিনটোত মানসম্পন্ন সময় পাৰ কৰিলে । প্ৰিয়ংকাই কয় যে, প্ৰতিটো দিনেই নিকৰ সৈতে ভেলেণ্টাইন ডে’ (Priyanka Chopra valentines day celebration) ৷ আনহাতে গায়ক গৰাকীয়ে দেশী গাৰ্লক নিজৰ “হৃদয়” বুলি অভিহিত কৰে (Nick Jonas valentines day wish for priyanka) ।
ভেলেণ্টাইন ডে’ ত ইনষ্টাগ্ৰামত প্ৰিয়ংকাই ধাৰাবাহিকভাৱে দুখন ছবি শ্বেয়াৰ কৰে (Priyanka Chopra instagram)। প্ৰথম ছবিখনত প্ৰিয়ংকা আৰু নিকক আৰামদায়ক ৰূপত দেখা গৈছে আৰু আনহাতে, দ্বিতীয়খনত কেলিফৰ্ণিয়াৰ পিণ্টো হ্ৰদৰ ওচৰত প্ৰিয়ংকাই নিজৰ ছোৱালী মালতী মেৰীৰ সৈতে হাঁহক খুৱাই থকা দেখা গৈছে । লগতে ইনষ্টাগ্ৰাম ষ্ট’ৰীত বিচনাত বহি থকা এটা ভিডিঅ’ শ্বেয়াৰ কৰি লিখিছিল যে প্ৰতিদিনে তেওঁ আৰু নিকৰ বাবে ভেলেণ্টাইন ডে’ (Priyanka Chopra Nick Jonas valentines day videos)।