চিটাৰা ডেস্ক, 28 ডিচেম্বৰ: ‘মাদাৰ ইণ্ডিয়া’, ‘মায়া’, ‘দ্য চিংগিং ফিলিপিনা’ৰ দৰে ছবিত অভিনয় কৰা অভিনেতা ছাজিদ খানৰ দেহাৱসান । জানিব পৰা মতে বহু দিনৰে পৰা কৰ্কট ৰোগৰ সৈতে যুঁজি আছিল অভিনেতাগৰাকী । অৱশেষত জীৱন যুদ্ধত হাৰ মানে অভিনেতাগৰাকীয়ে ৷ ৭০ বছৰ বয়সত ২২ ডিচেম্বৰত ছাজিদে ইহলীলা সম্বৰণ কৰে যদিও আজিহে এই খবৰ পোহৰলৈ আহিছে । কেৰালাৰ আলাপ্পুঝা জিলাৰ কয়ামকুলাম টাউন জুমা মছজিদৰ ওচৰত ছাজিদ খানক সমাধিস্থ কৰা হয় । ছাজিদ খানৰ একমাত্ৰ পুত্ৰ সমীৰে পিটিআইক কয়, ‘‘তেওঁ বহু দিনৰে পৰা কেন্সাৰ ৰোগৰ সৈতে যুঁজি আছিল । শুকুৰবাৰে (22 ডিচেম্বৰ) তেওঁৰ মৃত্যু হয় ।’’
সমীৰে কয় যে তেওঁৰ পিতৃয়ে দ্বিতীয় পত্নীৰ সৈতে কেৰালাত বসবাস কৰিছিল । সমীৰে লগতে কয়- ‘‘মোৰ পিতৃক ৰাজকুমাৰ পীতাম্বৰ ৰাণা আৰু সুনীতা পীতাম্বৰে তুলি লৈছিল আৰু চলচ্চিত্ৰ নিৰ্মাতা মেহবুব খানে তেওঁক ডাঙৰ-দীঘল কৰিছিল । তেওঁ বহু দিনৰে পৰা ছবিৰ সৈতে জড়িত হৈ থকা নাছিল আৰু বেছিভাগে সময় সমাজসেৱাত নিয়োজিত আছিল । আগতে কেৰালালৈ সঘনাই আহিছিল আৰু ইয়াত থাকি ভাল পাইছিল সেয়ে আকৌ বিয়া পাতি ইয়াতে বসবাস কৰিছিল ।’’
আমেৰিকাৰ টিভি শ্ব’ত দেখা গৈছিল ছাজিদক