ৰণবীৰৰ ‘এনিমেল’ৰ ট্ৰেইলাৰৰ প্ৰশংসাত পঞ্চমুখ আলিয়াৰ পৰা প্ৰভাসলৈকে বি-টাউনৰ বহু চেলিব্ৰিটি

Animal Trailer: বৃহস্পতিবাৰে মুক্তি পালে ৰণবীৰ কাপুৰৰ আগন্তুক ছবি ‘Animal’ ৰ জোৰদাৰ ট্ৰেইলাৰ । ট্ৰেইলাৰ মুক্তিৰ পিচতে ৰণবীৰৰ মাতৃ নীতু কাপুৰ আৰু পত্নী আলিয়াকে ধৰি বি-টাউনৰ বহু চেলিব্ৰিটিয়ে ‘এনিমেল’ৰ ট্ৰেইলাৰৰ প্ৰশংসা কৰিছে ।

চিটাৰা জেস্ক, 24 নৱেম্বৰ: এই বছৰটোৰ বহু প্ৰত্যাশিত ছবি ৰণবীৰ কাপুৰৰ ‘এনিমেল’ । বৃহস্পতিবাৰে নিৰ্মাতাই এই ছবিখনৰ ট্ৰেইলাৰ মুকলি কৰিছে । এনিমেলৰ ট্ৰেইলাৰে দৰ্শকৰ পৰা লাভ কৰিছে যথেষ্ট ভাল সঁহাৰি ৷ দৰ্শকৰ পৰা লাভ কৰা সঁহাৰিৰ পৰা ক’ব পাৰি যে হয়তো মুক্তিৰ পিচত ছবিখনে বক্স অফিচত সৃষ্টি কৰিব ধুমুহা ৷ দৰ্শকৰ লগতে নীতু কাপুৰ, আলিয়া ভাট, কৰীণা কাপুৰ খানকে ধৰি বলীউডৰ বহু চেলিব্ৰিটিয়ে ছ’চিয়েল মিডিয়াত ‘এনিমেল’ৰ ট্ৰেইলাৰৰ প্ৰশংসা কৰিছে ।

‘এনিমেল’ৰ ট্ৰেইলাৰৰ প্ৰশংসা কৰীণা কাপুৰৰ

কৰীণা কাপুৰ খানে অনিল কাপুৰক ‘মোষ্ট ফেভাৰিট’ বুলি অভিহিত কৰিছে । নিজৰ ইনষ্টা ষ্ট’ৰীত ট্ৰেইলাৰ শ্বেয়াৰ কৰি কৰীণাই লিখিছে, ‘‘এজনহে ৰণবীৰ কাপুৰ আৰু মোৰ প্ৰিয় অনিল কাপুৰ আৰু সমগ্ৰ অভিনেতা-অভিনেত্ৰী আৰু দললৈ অভিনন্দন । গ্ৰেট ট্ৰেইলাৰ ।” ববি দেওল, ৰশ্মিকা মন্দান্না আৰু সন্দীপ ৰেড্ডী ভাংগাকো অভিনন্দন জনায় অভিনেত্ৰীগৰাকীয়ে ।

অৰ্জুন কাপুৰে 'এনিমেল'ৰ বাবে ক’লে এই কথা

অৰ্জুন কাপুৰে নিজৰ ইনষ্টাগ্ৰাম ষ্ট’ৰীত ট্ৰেইলাৰ শ্বেয়াৰ কৰি লিখিছে,‘‘উফ কি ট্ৰেইলাৰ ! ১ ডিচেম্বৰলৈ অপেক্ষা কৰিব নোৱাৰি । উন্মাদনা, আৱেগ, হিংসা, অনিল কাপুৰে ইয়াক সুন্দৰকৈ দেখুৱাইছে । ববি দেওল বাহ ভয়ংকৰ, ৰশ্মিকা মন্দান্না গ্ৰাউণ্ডিং ফেক্টৰ ৷ মই সন্দীপ ৰেড্ডীক ভাল পাওঁ । ভাংগা ছাৰ, আপুনি এই কাহিনীটো কেনেকৈ কল্পনা কৰিছে ।”

কৰিশ্মা কাপুৰেও এনিমেলৰ ট্ৰেইলাৰক লৈ ক’লে এই কথা

কৰিশ্মা কাপুৰেও ট্ৰেইলাৰটোৰ প্ৰশংসা কৰে । কৰিশ্মাই লিখিছে, “কি ট্ৰেইলাৰ আছিল । ৰণবীৰ, তুমি তাত আছা (জুইৰ ইমোজি)। অভিনন্দন টিম এনিমেল, চাবলৈ অপেক্ষা কৰিব নোৱাৰি ।’’

এনিমেলৰ ট্ৰেইলাৰক লৈ কৰিশ্মা কাপুৰৰ পোষ্ট

মাতৃ নীতু কাপুৰে এনিমেলৰ ট্ৰেইলাৰৰ বিষয়ে ক’লে এই কথা

ৰণবীৰৰ মাতৃ তথা অভিনেত্ৰী নীতু কাপুৰেও নিজৰ ইনষ্টাগ্ৰাম পোষ্টত এনিমেলৰ ট্ৰেইলাৰ পোষ্ট কৰিছে । ইয়াৰ লগতে তেওঁ কেপচনত লিখিছিল ‘গুজবাম্পছ’।

ৰণবীৰৰ পত্নী তথা অভিনেত্ৰী আলিয়া ভাটেও এনিমেলৰ ট্ৰেইলাৰক প্ৰশংসা কৰে

এনিমেলৰ ট্ৰেইলাৰ মুক্তিৰ পিচত আলিয়া ভাটে নিজৰ ইনষ্টাগ্ৰাম একাউণ্টত ট্ৰেইলাৰটো শ্বেয়াৰ কৰি লিখিছে, "আচলতে সম্পূৰ্ণ কেপচন টাইপ কৰিব পৰা নাই - ৭০০০ তম বাৰৰ বাবে এই ট্ৰেইলাৰটো চোৱাত মই ব্যস্ত । আনুষ্ঠানিকভাৱে মোৰ মনটো হেৰাই গৈছে । এই চিনেমাখন এতিয়া চাব লাগিব । ১ ডিচেম্বৰৰ পৰা চিনেমা হলত জুই লগাব এনিমেলে ।" ইফালে দক্ষিণৰ ছুপৰাষ্টাৰ প্ৰভাসেও ছবিখনৰ প্ৰশংসা কৰিছে ৷

'এনিমেল' কেতিয়া মুক্তি পাব ?

উল্লেখ্য যে, সন্দীপ ৰেড্ডী ভাংগাৰ পৰিচালনাত নিৰ্মিত ‘এনিমেল’ ছবিখনত মুখ্য চৰিত্ৰত অভিনয় কৰিছে ৰণবীৰ কাপুৰ, অনিল কাপুৰ, ৰশ্মিকা মন্দান্না, ববি দেওল আৰু ত্ৰুপ্তি ডিমৰীয়ে । এই ছবিখন ১ ডিচেম্বৰত হিন্দী, তামিল, তেলুগু, মালয়ালম আৰু কানাড়া ভাষাত ছবিগৃহত মুক্তি পাব ।

লগতে পঢ়ক:ৰণবীৰ কাপুৰৰ এনিমেলৰ বহু প্ৰত্যাশিত ট্ৰেইলাৰ মুকলি