চিটাৰা ডেস্ক, 23 ছেপ্টেম্বৰ:বলীউডৰ ছুপাৰষ্টাৰ ৰণবীৰ কাপুৰৰ আগন্তুক ছবি ‘এনিমেল’ৰ বাবে সকলোৱে আগ্ৰহেৰে অপেক্ষা কৰি আছে ৷ পৰিচালক সন্দীপ ৰেড্ডী ভাংগাৰ পৰিচালনাত নিৰ্মিত ‘এনিমেল’ক লৈ অনুৰাগীৰ মাজত ব্যাপক উন্মাদনা ৷
শেহতীয়াকৈ এই ছবিখনৰ ৰণবীৰ কাপুৰ আৰু অনিল কাপুৰৰ ফাৰ্ষ্ট লুক পোষ্টাৰ প্ৰকাশ পাইছে ৷ এতিয়া এই ছবিখনৰ মুখ্য নায়িকা তথা দক্ষিণৰ ছুপাৰষ্টাৰ ৰশ্মিকা মান্ধানাৰ লুক উন্মোচিত হৈছে ৷ হয়, শনিবাৰে প্ৰকাশ পালে ৰশ্মিকাৰ ‘এনিমেল’ৰ ফাৰ্ষ্ট লুক পোষ্টাৰ ৷
'এনিমেল'ৰ পৰা ৰশ্মিকা মান্ধানাৰ প্ৰথম লুক প্ৰকাশ
বহু দিনৰ আগতে ছ’চিয়েল মিডিয়াত ভাইৰেল হৈছিল এটা ভিডিঅ’ য’ত হিন্দী চিনেমা অভিনেতা ৰণবীৰ কাপুৰৰ সৈতে পাহাৰত শ্বুটিং কৰা দেখা গৈছিল ৰশ্মিকা মান্ধানাক ৷ এই ভিডিঅ’টো ওলোৱাৰ পিছতে পোহৰলৈ আহিল যে ৰণবীৰ আৰু ৰশ্মিকাক এখন ছবিত দেখা যাব, যাৰ নাম ‘এনিমেল’ ৷ এতিয়া এই চিনেমাৰ ৰশ্মিকা মান্ধানাৰ ফাৰ্ষ্ট লুক মুক্তি পালে ৷
শনিবাৰে ৰশ্মিকা মান্ধানাই নিজৰ অফিচিয়েল টুইটাৰ হেণ্ডেলত ‘এনিমেল’ৰ পৰা নিজৰ লুকৰ আভাস দেখুৱাইছিল ৷ ৰশ্মিকাই এই পোষ্টটোত লিখিছে- " আপোনাৰ গীতঞ্জলি" ৷ এইদৰে দক্ষিণৰ অভিনেত্ৰীগৰাকীয়ে এনিমেলত তেওঁৰ চৰিত্ৰটোৰ নাম কি হ’ব সেই সম্পৰ্কেও তথ্য দিছে ৷
এই পোষ্টাৰখনত স্পষ্টকৈ দেখা গৈছে যে ৰঙা আৰু বগা সংমিশ্ৰিত এই শাৰীখনত ৰশ্মিকা মান্ধানাই নিজৰ সৰলতাৰে সকলোৰে হৃদয় জয় কৰিছে ৷ ৰশ্মিকা মান্ধানাৰ এনিমেল চিনেমাৰ লুকটো ছচিয়েল মিডিয়াত বহুত লাইক হৈছে ৷
অতি সোনকালে মুক্তি পাব 'এনিমেল'ৰ টিজাৰ
ৰশ্মিকা মান্ধানাৰ পূৰ্বে ‘এনিমেল’ ছবিৰ ৰণবীৰ কাপুৰ আৰু অনিল কাপুৰৰ লুক প্ৰকাশ পাইছে ৷ এই ছবিখনৰ টিজাৰো শীঘ্ৰে মুক্তি পাব ৷ আপোনালোকক জনাওঁ যে অহা ২৮ ছেপ্টেম্বৰৰ পুৱা ১০ বজাত পৰিচালক সন্দীপ ৰেড্ডী ভাংগাৰ ‘এনিমেল’ৰ টিজাৰ মুক্তি পাব ৷
লগতে পঢ়ক:Kerala Boycott Leo: মুক্তিৰ পূৰ্বে থালাপাথী বিজয়ৰ ছবি লিঅ’ৰ বাবে আহিল প্ৰত্যাহ্বান; কেৰালাত চলিছে হেচটেগ বয়কট লিঅ’
