চিটাৰা ডেস্ক, ১২ জানুৱাৰী: ২০১৯ চনত মুক্তি পোৱা প্ৰধানমন্ত্ৰী নৰেন্দ্ৰ মোদীৰ বায়’পিক ‘পি এম নৰেন্দ্ৰ মোদী’ ছবিখনত এজন নহয়, তিনিজন প্ৰযোজকে নিজৰ ধন বিনিয়োগ কৰিছিল । কিন্তু এতিয়া এই ছবিখনৰ সৈতে জড়িত এক আচৰিত খবৰ পোহৰলৈ আহিছে । দৰাচলতে ছবিখনৰ অন্যতম প্ৰযোজক আচাৰ্য মনীষে আন দুজন প্ৰযোজক আনন্দ পণ্ডিত আৰু সন্দীপ সিঙৰ বিৰুদ্ধে প্ৰৱঞ্চনাৰ অভিযোগ উত্থাপন কৰিছে । কেৱল এয়াই নহয়, আচাৰ্য মনীষে দুয়োৰে বিৰুদ্ধে আৰক্ষী থানাত এজাহাৰো দাখিল কৰিছে ।
১৪ কোটি টকাৰ প্ৰতাৰণাৰ অভিযোগ
আচাৰ্য মনীষৰ অভিযোগ অনুসৰি আনন্দ পণ্ডিত আৰু সন্দীপ সিঙে তেওঁক ১৪ কোটি টকাৰ প্ৰৱঞ্চনা কৰিছে । অভিযোগত তেওঁ কয় যে ২০১৯ চনত সন্দীপ সিং আৰু আনন্দ পণ্ডিতে তেওঁৰ সৈতে যোগাযোগ কৰিছিল আৰু পি এম মোদীৰ বায়’পিকত বিনিয়োগ কৰিবলৈ কৈছিল । ইয়াৰ লগতে তেওঁলোকে কৈছিল যে ছবিখন মুক্তি পোৱাৰ পিচত বিনিয়োগ আদায়ৰ বাবে প্ৰথম আদায়ৰ অধিকাৰ তেওঁ লাভ কৰিব । আনন্দ আৰু সন্দীপৰ এই আশ্বাসৰ পিচতে আচাৰ্য মনীষে ছবিখনত ১৪ কোটি টকা বিনিয়োগ কৰিবলৈ ডাঙৰ ঋণ লৈছিল ।
অভিযোগত এই কথা উল্লেখ কৰিছে আচাৰ্য মনীষে