চিটাৰা ডেস্ক, ২৪ এপ্ৰিল : শেহতীয়াকৈ আয়ুষ শৰ্মা আৰু অৰ্পিতা খান শৰ্মাই আয়োজন কৰিছিল ঈদৰ পাৰ্টি ৷ এই পাৰ্টিত অংশগ্ৰহণ কৰিছিল বলীউডৰ বহু জনপ্ৰিয় তাৰকাই ৷ ছুপাৰষ্টাৰ ছলমান খান, আমিৰ খান, কেটৰিণাৰ পৰা আদি কৰি বহু জনপ্ৰিয় অভিনেতা-অভিনেত্ৰীক দেখা পোৱা গৈছিল আয়ুষ শৰ্মা আৰু অৰ্পিতা খান ঈদৰ পাৰ্টিত ৷ কিন্তু ইয়াৰ মাজতে পাৰ্টিৰ পৰা ভাইজানৰ এখন ফটো ছ’চিয়েল মিডিয়াত ভাইৰেল হৈ পৰিছে ৷
‘মেনে প্যাৰ কিয়া’ৰ সহ অভিনেত্ৰী ভাগ্যশ্ৰী আৰু মহনীশ বাহলৰ কন্যাৰ সৈতে ছলমান খানৰ ফটো ভাইৰেল হৈ পৰিছে ছ’চিয়েল মিডিয়াত (Maine Pyar Kiya)। মহনীশ বাহলৰ কন্যা প্ৰনুতনে ইনষ্টাগ্ৰামত ছলমান আৰু অভিনেত্ৰী ভাগ্যশ্ৰীৰ কন্যা অৱন্তিকাৰ সৈতে কেইখনমান ছবি শ্বেয়াৰ কৰিছে (Pranutan and Avantika) ।
এইখিনিতে উল্লেখ কৰিব লাগিব যে ২০১৯ চনত ছলমান খানৰ প্ৰডাকচন ‘নোটবুক’ৰ জৰিয়তে বলীউডত আত্মপ্ৰকাশ কৰিছিল প্ৰনুতনে (Mohnish Bahls daughter Salman)। আনহাতে ২০২২ চনত জি ৫ ৰ ৱেব ছিৰিজ মিথ্যাৰ জৰিয়তে অৱন্তিকাই বলীউডত আত্মপ্ৰকাশ কৰিছিল (Salman with Bhagyashrees daughter) ৷
ছলমান খানে হাঁহি হাঁহি প্ৰনুতন আৰু অৱন্তিকাৰ সৈতে ছবিত পোজ দিয়ে ৷ প্ৰনুতনে ছ’চিয়েল মিডিয়াত শ্বেয়াৰ কৰা পোষ্টটোৰ কেপচনত লিখিছে, ‘মেনে প্যাৰ কিয়া মাল্টিভাৰ্ছত, জীৱনৰ কন্যা আৰু সুমনৰ কন্যা সৈতে প্ৰেম ।"