Kylie Jenner: কাইলী জেনাৰে বিচাৰি পালে নতুন প্ৰেম, ৰাজহুৱাভাৱে প্ৰেমিকৰ সৈতে কৰিলে ফ্ৰেঞ্চ KISS, ভাইৰেল হ’ল ভিডিঅ’

ট্ৰেভিছ স্কটৰ পিচত নিজৰ জীৱনত আকৌ এবাৰ প্ৰেম বিচাৰি পালে জনপ্ৰিয় মডেল কাইলী জেনাৰে ৷ হলিউডৰ অভিনেতা টিমোথি চালামেটৰ সৈতে তেওঁৰ সম্পৰ্ক ৰাজহুৱাভাৱে নিশ্চিত কৰিছে । ছ’চিয়েল মিডিয়াতো ভাইৰেল হৈ পৰিছে দুয়োৰে এটা ভিডিঅ’ । চাওক ভিডিঅ’ ৷

চিটাৰা ডেস্ক, 6 ছেপ্টেম্বৰ: বিশ্ববিখ্যাত মডেল কাইলী জেনাৰক কোনে চিনি নাপায় ৷ ইনষ্টাগ্ৰামত আছে কাইলীৰ 399 মিলিয়ন ফ’ল’ৱাৰ ৷ কিন্তু শেহতীয়াকৈ নিজৰ ব্যক্তিগত কাৰণত চৰ্চাত আছে কাইলী ৷ কাইলীৰ হলিউডৰ অভিনেতা টিমোথি চালামেটৰ লগত সম্পৰ্ক থকা বুলি বহু দিনৰে পৰা চৰ্চা চলি আছিল ৷ কিন্তু এইক্ষেত্ৰত কাইলীয়ে কোনো আনুষ্ঠানিক মতামত প্ৰকাশ কৰা নাছিল ৷ শেহতীয়াকৈ কাইলী আৰু টিমোথি চালামেটৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে ৷

এই ভিডিঅ’ৰ পৰা যেন অনুমান কৰিব পাৰি টিমোথি চালামেটৰ সৈতে সম্পৰ্ক ৰাজহুৱা কৰিলে কাইলী জেনাৰে । দীৰ্ঘদিন ধৰি তেওঁলোকৰ সম্পৰ্কৰ খবৰ ওলাই আহিছিল ৷ অৱশেষত ইগৰাকীয়ে সিগৰাকীৰ প্ৰতি থকা প্ৰেমৰ কথা মুকলিকৈ প্ৰকাশ কৰিছে । কাইলী আৰু টিমোথিৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে, য’ত দুয়োগৰাকীয়ে ইগৰাকীয়ে সিগৰাকীক চুম্বন কৰি থকা দেখা যায় ৷

আচলতে লছ এঞ্জেলছত আয়োজন কৰা জনপ্ৰিয় গায়িকা বিয়ন্সেৰ কনচাৰ্টত কাইলী আৰু টিমোথিয়ে অংশগ্ৰহণ কৰিছিল । এই কনচাৰ্টত বহুতো জনপ্ৰিয় ব্যক্তিয়ে অংশগ্ৰহণ কৰিছিল ৷ মিউজিক কনচাৰ্টৰ সময়ত কাইলী আৰু টিমোথিয়ে চুমা খোৱা দেখা, যাৰ ভিডিঅ’ এতিয়া ইণ্টাৰনেটত ভাইৰেল হৈ পৰিছে। সম্পৰ্কৰ উৰাবাতৰিৰ মাজতে কাইলী আৰু টিমোথিক প্ৰথমবাৰৰ বাবে বিয়ন্সেৰ সংগীত অনুষ্ঠানত দেখা গৈছিল ৷

কাইলীৰ কোনবোৰ ভিডিঅ’ আৰু ফটো ইণ্টাৰনেটত ভাইৰেল হৈছিল ?

অভিনেতা টিমোথি চালামেট আৰু কাইলী জেনাৰে চুমা খোৱাৰ ছবি আৰু ভিডিঅ’ ইণ্টাৰনেটত ভাইৰেল হৈ পৰিছে। ভিডিঅ’টোত কাইলী আৰু টিমোথিক বিয়ন্সেৰ কনচাৰ্টৰ ভিআইপি ছেকচনত দেখা গৈছে। দুয়ো গান শুনি নাচি থকা দেখা গৈছে । ইয়াৰ পিচত দুয়োগৰাকীয়ে অতি ওচৰ চাপি আহে আৰু তাৰ পিচতে ইগৰাকী সিগৰাকীক চুমা খাবলৈ আৰম্ভ কৰে । সংবাদ মাধ্যমৰ বাতৰি অনুসৰি বিগত কেইমাহমানৰ পৰা কাইলী আৰু টিমোথিয়ে ডেট কৰি আছিল ৷ যদিও দুয়োকে কেতিয়াও একেলগে দেখা যোৱা নাছিল । কিন্তু এইবাৰ দুয়োকে একেলগে দেখা গৈছে। ২০২৩ চনৰ এপ্ৰিল মাহত তেওঁলোকৰ ডেটিঙৰ খবৰ প্ৰথমবাৰৰ বাবে চৰ্চালৈ আহিছিল ।

ট্ৰেভিছ স্কটৰ সৈতে কাইলী জেনাৰৰ সম্পৰ্ক

উল্লেখ্য যে টিমোথি চালামেটৰ পূৰ্বে কাইলী জেনাৰৰ সম্পৰ্ক আছিল আমেৰিকাৰ গায়ক-ৰেপাৰ ট্ৰেভিছ স্কটৰ সৈতে । দুয়োৰে দুটি সন্তানো আছে। কন্যা ষ্টৰ্মিৰ বয়স ৫ বছৰ, আনহাতে পুত্ৰৰ নাম আইৰে, যাৰ বয়স এবছৰ । যোৱা বছৰ পুত্ৰ সন্তান জন্ম দিছিল কাইলীয়ে । মাত্ৰ ২০ বছৰ বয়সতে মাতৃ হৈছিল কাইলী জেনাৰে । কিন্তু ট্ৰেভিছ স্কটৰ সৈতে কাইলীৰ সম্পৰ্ক বেছি দিন নাথাকিল আৰু তাৰ পিচত দুয়োৰে মাজত বিচ্ছেদ হয় ।

লগতে পঢ়ক:Fukrey 3 Trailer: মুকলি হ’ল Fukrey 3 ৰ ট্ৰেইলাৰ