Koffee With Karan season7: টিভিতহে আপুনি চাব নোৱাৰিব জনপ্ৰিয় টক শ্ব’ কফি উইথ কৰণ

কফি উইথ কৰণ আৰু উভতি নাহে বুলি কৰা ঘোষণাৰ কেইঘণ্টামানৰ পিছতেই এটা স্পষ্টীকৰণ দিলে কৰণ জোহৰে ৷ টিভিৰ সলনি অটিটি প্লেটফৰ্মত দৰ্শকে উপভোগ কৰিবলৈ পাব কফি উইথ কৰণ (Koffee With Karan season7) ৷ জানোচোন আহক ক’ত সম্প্ৰচাৰিত হ’ব এই বিখ্যাত শ্ব’টো-

চিটাৰা ডেস্ক, 5 মে’:কৰণ জোহৰৰ জনপ্ৰিয় টক শ্ব’ কফি উইথ কৰণক লৈ পুনৰ এটা নতুন পোষ্ট দিলে কৰণ জোহৰে ৷ কালি নিজৰ ইনষ্টাগ্ৰামত শ্ব’টো শেষ হ’ব বুলি ঘোষণা কৰাৰ পিছতেই প্ৰতিক্ৰিয়া দেখা গৈছিল অনুৰাগীসকলৰ মাজত ৷ পোষ্ট কৰাৰ কেইঘণ্টামানৰ পিছতেই অৱশ্যে কৰণে দিলে এটা স্পষ্টীকৰণ ৷

কফি উইথ কৰণে টেলিভিছন জগতত সফলতাৰে পাৰ কৰিলে ছটাকৈ চিজন ৷ এই দীঘলীয়া সময়ছোৱাত শ্ব’টোৱে গোটাবলৈ সক্ষম হ’ল বিপুল দৰ্শক ৷ সেয়ে শ্ব’টো শেষ হ’ব বুলি কৰা ঘোষণাৰ পিছত ভাগি পৰিছিল অনুৰাগীসকল ৷

দূৰদৰ্শনতহে সম্প্ৰচাৰ নহয় জনপ্ৰিয় টক শ্ব’ কফি উইথ কৰণ

কৰণে নিজৰ ইনষ্টাগ্ৰামৰ জৰিয়তে স্পষ্টীকৰণ দিয়ে যে, " মই ঘোষণা কৰিবলৈ সুখী হৈছো যে টিভিৰ পৰ্দাত আৰু সম্প্ৰচাৰিত নহয় কফি উইথ কৰণ, তাৰ পৰিৱৰ্তে কফি উইথ কৰণৰ চিজন7 সম্প্ৰচাৰিত হ’ব ডিজনি+হটষ্টাৰত" (Koffee With Karan season7) !

ভাৰতৰ বিখ্যাত তাৰকাসকল পুনৰ উভতি আহিব জনপ্ৰিয় টক শ্ব’টোলৈ ৷ হষ্ট কৰণ জোহৰৰ সৈতে কফিৰ সোৱাদ লৈ লৈ তেওঁলোকে পাতিব মনৰ কথা (Karan Johar Koffee With Karan) ৷ শ্ব’টোত খেল থাকিব, উৰা-বাতৰি ওলাব, কিছুমান উৰা-বাতৰিৰ স্পষ্টীকৰণ দিয়া হ’ব ; লগতে প্ৰেম আৰু হতাশা সকলোবোৰ বিষয়েই আলোচনা কৰা হ’ব ৷ বিগত বছৰৰ বোৰৰ দৰেই অটিটি প্লেটফৰ্মতো দৰ্শকে সকলো উপাদান বিচাৰি পাব ৷

উল্লেখ্য যে, 'কফি উইথ কৰণ'ৰ সপ্তম সংস্কৰণৰ দৃশ্যগ্ৰহণ অহা 7 মে, 2022 তাৰিখৰ পৰা আৰম্ভ হ'ব ।