চিটাৰা ডেস্ক, ২৫ আগষ্ট: ২৫ আগষ্টত অৰ্থাৎ আজি বাংলাদেশৰ ছবিগৃহত মুক্তি লাভ কৰিব ছলমান খানৰ অভিনীত ছবি ‘কিছি কা ভাই কিছি কি জান’। শেহতীয়াকৈ বাংলাদেশত মুক্তি লাভ কৰিছিল শ্বাহৰুখ খানৰ ব্লকবাষ্টাৰ ছবি ‘পাঠান’ ৷ ইয়াৰ পিচত বাংলাদেশত মুক্তি পোৱা এইখন দ্বিতীয়খন বলীউডৰ ছবি হ’ব । মুক্তিৰ পূৰ্বে ছলমান খানে ছ’চিয়েল মিডিয়াত এটা পোষ্ট শ্বেয়াৰ কৰিছিল, য’ত তেওঁ ছবিখনৰ বিষয়ে তথ্য দিছে ।
শুকুৰবাৰে ছলমান খানে নিজৰ অফিচিয়েল ইনষ্টাগ্ৰামত নিজৰ ছবি ‘কিছি কা ভাই কিচি কি জান’ৰ পোষ্টাৰ শ্বেয়াৰ কৰি কেপচনত লিখিছে, ‘কিছি কা ভাই কিচি কি জান’ আজি বাংলাদেশত মুক্তি পাব। একচন, মজা আৰু মনোৰঞ্জনৰ সম্পূৰ্ণ মাত্ৰাৰ বাবে সাজু হওক । ছলমান খানে নিজৰ একক ছবিৰ সৈতে পোষ্টাৰখন শ্বেয়াৰ কৰিছে ।
১৮২.৪৪ কোটি টকাৰ বাজেটত নিৰ্মিত ভাইজানৰ এই ছবিখনে ২১ এপ্ৰিলত ছবিগৃহত মুক্তি লাভ কৰে । ঘৰুৱা বক্স অফিচত ১০০ কোটিৰ সীমা অতিক্ৰম কৰাত সফল হৈছিল ছবিখন । ছলমান খানৰ এই পাৰিবাৰিক নাটকখনে বক্স অফিচত বৰ এটা ভাল ফলাফল দেখুৱাবলৈ সক্ষম হোৱা নাছিল ৷ হাংগামাৰ প্ৰতিবেদন অনুসৰি ছবিখনে মাত্ৰ ১১০.৫৩ কোটি টকা সংগ্ৰহ কৰিবলৈ সক্ষম হৈছিল ।