চিটাৰা ডেস্ক, 9 ফেব্ৰুৱাৰী :যোৱা 7 ফেব্ৰুৱাৰী, মঙলবাৰে জয়সালমেৰৰ সূৰ্যগড় প্ৰাসাদত পৰিয়াল আৰু ঘনিষ্ঠ বন্ধু-বৰ্গৰ উপস্থিতিত বলীউডৰ জনপ্ৰিয় যুটি সিদ্ধাৰ্থ মালহোত্ৰা আৰু কিয়াৰা আদৱানী বিবাহপাশত আবদ্ধ হয় (Sidharth Kiara Wedding) । বিয়াৰ ঠিক এদিনৰ পিছতে বুধবাৰে পৰিয়ালসহ জয়সালমেৰৰ পৰা দিল্লীলৈ ৰাওনা হয় নৱ-দম্পতী । দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত ৰঙা ৰঙৰ পোছাকত দেখা গৈছিল দম্পতীহালক । এই পোছাকত দুই তাৰকাই বিমানবন্দৰত উপস্থিত সকলোৰে দৃষ্টি আকৰ্ষণ কৰে ৷ দুয়োকে সাংঘাতিক মৰমলগা দেখা গৈছিল । ছ’চিয়েল মিডিয়াত ভাইৰেল হৈ পৰিছে তেওঁলোকৰ এই ফটো আৰু ভিডিঅ’। বিয়াৰ পিছৰ ফটোসমূহ দেখি অনুৰাগী মতলীয়া হৈ পৰিছে (Kiara sidharth latest photo) ৷
বিয়াৰ পিছদিনা জয়সালমেৰ এৰাৰ সময়ত দুই বলীউড তাৰকাকে কেজুৱেল লুকত দেখা গৈছিল ৷ বিমানবন্দৰত উপস্থিত থকা পাপাৰাজ্জীক সম্ভাষণ জনাই দুয়ো আগবাঢ়ি গুচি যায় ৷ তাৰ পিছত দিল্লী বিমানবন্দৰত ৰঙা ৰঙৰ পোছাকত সকলোৰে দৃষ্টি নিজৰ ফালে কাঢ়ি নিয়ে সিদ্ধাৰ্থ মালহোত্ৰা আৰু কিয়াৰা আদৱানীয়ে (Kiara sidharth spotted Delhi airport) ৷ সিদ্ধাৰ্থে পৰিধান কৰিছিল ৰঙা ৰঙৰ কুৰ্তা, যিটো তেওঁ বগা পাইজামাৰ সৈতে যোৰ কৰি পিন্ধিছিল । ডিঙিত এখন সুন্দৰ এম্ব্ৰইডাৰী কৰা শ্বালৰ সৈতে তেওঁ এই লুকটো সম্পূৰ্ণ কৰে ৷ আনহাতে, ৰঙা চেলোৱাৰ কামিজ আৰু ৰঙা নেটৰ দোপাট্টাৰ সৈতে কিয়াৰাক বৰ ধুনীয়া দেখা গৈছিল । চেলোৱাৰৰ সৈতে কিয়াৰাই চুলিখিনি খোলাকৈ ৰাখিছিল । কেৱল এয়াই নহয়, কিয়াৰাই নিজৰ সেন্দূৰ, মংগলসূত্ৰ আৰু খাৰুৰে সৈতে সম্পূৰ্ণ সাজত আছিল । সাধাৰণভাৱে বিমানবন্দৰত উপস্থিত হোৱা কিয়াৰাৰ হাতত আছিল গুলপীয়া ৰঙৰ বিশেষভাৱে তৈয়াৰী চূড়া ৷ সোণালী ৰঙৰ জিলিকি থকা হীলছৰ সৈতে তেওঁ নিজৰ লুকটো সম্পূৰ্ণ কৰে । কিয়াৰাৰ মুখত নতুন কইনাৰ উজ্জ্বলতা বাৰুকৈয়ে দেখা পোৱা গৈছে ৷