চিটাৰা ডেস্ক, 16 মে’: বলীউডৰ প্ৰখ্যাত অভিনেতা বিকী কৌশলে সোমবাৰে (১৬ মে‘) তেওঁৰ ৩৪ তম জন্মদিন উদযাপন কৰিছে । এই উপলক্ষে অভিনেতাগৰাকীৰ পত্নী তথা অভিনেত্ৰী কেটৰিণা কাইফে নিউয়ৰ্কত তোলা তেওঁলোকৰ ৰোমাণ্টিক ফটো শ্বেয়াৰ কৰিছে । ফটোবোৰত তেওঁলোকৰ মাজত প্ৰেমৰ অনুভূতি স্পষ্টকৈ ফুটি উঠিছে ।
কেটৰিণাই নিজৰ ইনষ্টাগ্ৰাম হেণ্ডেলত বিকীৰে সৈতে দুখন ফটো শ্বেয়াৰ কৰিছে (Katrina wishes Vicky on birthday) । নিউয়ৰ্কত বন্ধ উদয়াপন কৰিবলৈ যোৱাৰ সময়ত তোলা হৈছিল এই ফটো ৷ দুয়োখন ফটোতে বিকী কেটৰিণা দুয়োকে প্ৰেমত বিভোৰ হৈ থকা দেখা গৈছে । প্ৰথম খন ফটোত কেটৰিণা আছে বিকীৰ দুবাহুৰ মাজত ৷ আনহাতে দ্বিতীয়খন ফটোত কেটৰিণাৰ গালত মৰমৰ চুমা যাচিছে বিকীয়ে ৷