চিটাৰা ডেস্ক, 1 মে’: বলীউডৰ অভিনেতা কাৰ্তিক আৰিয়ান শেহতীয়াকৈ উপস্থিত হয় তেওঁৰ দেহৰক্ষী শচীনৰ বিয়াত । লগতে অভিনেতাগৰাকীয়ে নিজৰ ইনষ্টাগ্ৰাম একাউন্টত দেহৰক্ষীৰ সৈতে ফটো শ্বেয়াৰ কৰি নৱবিবাহিত দম্পতীক সুখী বৈবাহিক জীৱনৰ কামনা কৰে (Karthik Aryan bodyguard) ।
দেওবাৰে কাৰ্তিক আৰিয়ানে নিজৰ ইনষ্টাগ্ৰামত দুখন ছবিৰ সৈতে এটা পোষ্ট শ্বেয়াৰ কৰে (Karthik Aryan bodyguard wedding) । এখন ছবিত কাৰ্তিকক মঞ্চত নৱবিবাহিত দম্পতীৰ সৈতে চেলফি লোৱা দেখা গৈছে । আনহাতে, দ্বিতীয়খন ছবিত কাৰ্তিকক শচীন, তেওঁৰ পত্নী আৰু আন কিছু অতিথিৰ সৈতে কেমেৰাৰ সন্মুখত পোজ দিয়া দেখা গৈছে ।
কাৰ্তিকে এই ছবিসমূহ শ্বেয়াৰ কৰি কেপচনত ৰঙা হৃদয়ৰ ইমোজিৰে লিখিছে, ‘অভিনন্দন শচীন আৰু সুৰেখা । সুখী হওক আপোনালোকৰ বৈবাহিক জীৱন । এই পোষ্টটোত কাৰ্তিকৰ অনুৰাগীসকলে তেওঁৰ দেহৰক্ষীক বিয়াৰ বাবে অভিনন্দন আৰু শুভেচ্ছা জনায় (Karthik Aryan bodyguard sachin)। একে সময়তে কমেণ্ট বক্সত এজন অনুৰাগীয়ে লিখিছে, ‘এয়া বন্ধুত্ব। কাৰ্তিক ভাই লাভ ইউ মেন’। আনহাতে আনজন অনুৰাগীয়ে লিখিছে, ‘ৰয়েল ফ্ৰেণ্ডশ্বিপ ।’