চিটাৰা ডেস্ক, 25 জুন : কৰিশ্মা কাপুৰে ২৫ জুনত তেওঁৰ ৪৮ তম জন্মদিন উদযাপন কৰিছে । কৰিশ্মা কাপুৰে এই বিশেষ দিনটোৰ এটা সুন্দৰ ভিডিঅ' শ্বেয়াৰ কৰিছে । এই ভিডিঅ'টোত কৰিশ্মা কাপুৰক ধেমালি কৰি থকা অৱস্থাত দেখা গৈছে ।
কৰিশ্মা কাপুৰে শ্বেয়াৰ কৰা এই ভিডিঅ'টোত তেওঁক এটা নাইট চুটত দেখা গৈছে । কৰিশ্মাৰ হাতত জন্মদিনৰ কেক আৰু মূৰত আছে জন্মদিনৰ টুপী । ভিডিঅ'টোত কৰিশ্মাই কেকত থকা মম সৰ্বশক্তিৰে নুমুৱাবলৈ চেষ্টা কৰা দেখা গৈছে ।
কৰিশ্মা কাপুৰ এগৰাকী অকলশৰীয়া মাতৃ । 2003 চনত তেওঁ দিল্লীৰ ব্যৱসায়ী সঞ্জয় কাপুৰৰ সৈতে বিবাহপাশত আৱদ্ধ হৈছিল । 13 বছৰৰ পিছত দুয়োৰে বিবাহ বিচ্ছেদ হয় । কৰিশ্মাই সঞ্জয়ৰ বিৰুদ্ধে বহুতো অভিযোগ উত্থাপন কৰিছিল ।