চিটাৰা ডেস্ক, 17 অক্টোবৰ :বিবাহৰ দশম বৰ্ষপূৰ্তি উপলক্ষে বলীউডৰ অভিনেত্ৰী কৰীণা কাপুৰ খানে দেওবাৰে তেওঁৰ স্বামী ছৈফ আলী খানলৈ উষ্ম শুভেচ্ছা জ্ঞাপন কৰে (Kareena Kapoor Saif Ali Khan marriage)। ইনষ্টাগ্ৰামত কৰীণাই দুখন পুৰণা ফটো শ্বেয়াৰ কৰি কেপছনত লিখিছে, "মি এণ্ড ইউ, ইউ এণ্ড মি টু ইটাৰনিটি উই গো... হেপি 10 হেণ্ডচাম মেন" ৷
ফটো দুখনত বেবো আৰু ছৈফক এক অন্তৰংগ মুহূৰ্তত দেখা গৈছে । হিৰোইন খ্যাত অভিনেত্ৰী গৰাকীয়ে এই ছবিসমূহ শ্বেয়াৰ কৰাৰ কিছু সময়ৰ পিছতে অনুৰাগী আৰু বহু বি-টাউনৰ চেলেব্ৰিটীয়ে শুভেচ্ছা বাণীৰে উপচাই পেলাই তেওঁৰ সামাজিক মাধ্যম । কৰিশ্মা কাপুৰে মন্তব্য কৰে, কাপল্ গ’লছ ফৰএভাৰ । "শুভ বাৰ্ষিকী মাই লাভছ", মালাইকা আৰোৰাই এইদৰে কমেণ্ট কৰে ৷
কৰীণা আৰু ছৈফে এল অ’ চি কাৰ্গিল (2003) আৰু ওমকাৰা (2006) ছবিত একেলগে কাম কৰিছিল যদিও 2008 চনৰ তাশান ছবিৰ ছেটত দুয়ো ইজনে সিজনৰ প্ৰেমত পৰিছিল । 2012 চনৰ 16 অক্টোবৰত দুয়ো বিবাহপাশত আবদ্ধ হয় (Kareena Kapoor Saif Ali Khan wedding date) । 2016 চনত দুয়োৰে জীৱনলৈ পুত্ৰ টাইমুৰৰ আগমণ ঘটে আৰু 2021 চনৰ ফেব্ৰুৱাৰী মাহত তেওঁলোকে জেহক আদৰণি জনায় ।
ইফালে, ৱৰ্ক ফ্ৰণ্টৰ কথা ক’বলৈ গ’লে কৰীণাক পৰৱৰ্তী সময়ত দেখা যাব পৰিচালক সুজয় ঘোষৰ পৰৱৰ্তী থ্ৰিলাৰ ছবিত ৷ ছবিখন দ্য ডিভ’ছন অৱ্ চাছপেক্ট এক্স নামৰ কিতাপখনৰ আধাৰত নিৰ্মিত । ইয়াত অভিনয় কৰিছে বিজয় বৰ্মা আৰু জয়দীপ আহ্লাৱাতে । ইয়াৰ উপৰিও তেওঁৰ হাতত আছে পৰিচালক হংসল মেহতাৰ পৰৱৰ্তী শিৰোনামহীন ছবি । আনহাতে ছৈফক শেহতীয়াকৈ এক্সন থ্ৰিলাৰ ছবি বিক্ৰম বেধাত হৃত্বিক ৰোশনৰ সৈতে দেখা গৈছিল । পৰৱৰ্তী সময়ত তেওঁক প্ৰভাস আৰু কৃতি সেননৰ সৈতে এখন পান ইণ্ডিয়া ছবি আদিপুৰুষত দেখা যাব ।
লগতে পঢ়ক :Kareena Kapoor producer, ক্লেপব’ৰ্ডত প্ৰযোজক হিচাপে নিজৰ নাম দেখি উৎফুল্লিত হৈ পৰিল কৰীণা কাপুৰ
